اوستا-شاگیرد(اویون)
اوستا شاگیرد - آذربایجاندا ان چوخ یازقاباغی (بایرام‌قاباغی) گونلرده اساساً اوشاق و گنجلر آراسیندا، گئنیش شکیلده اوینانیلان قدیم اویونلاریندان بیریدیر.
اویونون قایدالاری
دَییشدیربو اویوندا اون-اون بئش نفر اوشاق ایشتیراک ائدیر. اونلاردان بیرینی ساناما اوصولو ایله اوستا(باشچی) سئچیرلر. سونرا اویون آشاغیداکی کیمی داوام ائدیر.
اوستا اوشاقلاردان بیرینی(یعنی شاگیردی) چاغیریب ساغ الینی ساغ قولاغی‌نین اوستونه،سول بیلگینی ساغ قولتوغونون آلتینا قویماقلا اوووجون ایچ طرفینی باییر طرفه آچیق ساخلاماغی امر ائدر. شاگیرد اوستا‌نین امرینی یئرینه یئتیریر و گؤزلرینی یومور. سونرا قالان اوشاقلار اونون آرخا طرفینده جمع اولار. اوشاقلار نؤوبه ایله شاگیرده یاخینلاشیب اونون اووجونون ایچینه وورورلار.
اوشاق یاخینلاشیب ووردوقدان سونرا آستاجا گئری‌یه - اؤز یئرینه چکیلیر. سونرا اوستا سوروشار:
-آی جانیم شاگیرد، آی گؤزوم شاگیرد، سنی کیم ووردو، کیم گؤردو؟
شاگیرد جاواب وئرر:
-آی جانیم اوستا، آی گؤزوم اوستا، منی "او" (اونو ووران اوشاغین آدینی دئیر) ووردو، سیز گؤردوز.
اگر دوز دئسه اوستا دئیر:
-آی برکاللاه، یوز برکاللاه! سنی "او" ووردو بیز گؤردوک.
سونرا اؤزگه بیر اوشاغین گؤزلرینی باغلار. اگر دوز دئمه‌سه اوستا دئیر:
-آی کور اولاسان، وای کور اولاسان سنی "بو" (ووران اوشاغین آدی چکیلیر) ووردو، بیز گؤردوک..
بو سؤزلری بوتون اوشاقلار تکرار ائدرلر و اویون ساعاتلارلا داوام ائدر.