باتمان (اؤلچو بیریمی)
باتمان – شرق اؤلکه‌لرینده ایستفاده اولونموش قديم چکي بیریمي.
عومومی معلومات
دَییشدیرباتمان گيرونکه‌دن بؤيوک چکي بیریميدير. کيتابي دده قورقود داستانلاريندا "کافر آلتميش باتمان کور سالاردي" ،"هر آتاندا اون ايکي باتمان تاش آتاردي" و س. شکيلده آدي چکيلير. اورتا عصر منبعلرينده "باتمان" "مان" تئرميني ايله ياناشي ايشلنميشدير. "باتمان" اؤلچوسو موعاصير سورغو کيتابلاريندا بير قايدا اولاراق 20 گيرونکه‌يه و يا 8 کيلوقراما برابر توتولور. اصلينده ايسه باتمان (مان) اؤز رئال اؤلچوسونه گؤره فرقله‌نير. بو ايسه اؤلچو سيستمينين بیریم استانداردي اولماديغيندان ايره‌لي گلن قوصور ايدي. تدقيقاتچيلار هله 10. عصرده شرقده موختليف مان (باتمان) اؤلچولري اولدوغونو و لاپ ياخين دؤورلره قدر گئنيش ايستيفاده ائديلديگيني قئيد ائديرلر. لاکين تيجارت موناسيبتلرينين اينکيشافي اؤلچولرين ايصلاحاتيني طلب ائديردي. بئله ايصلاحاتلاردان بيري 1300-جو ايلده هولاکو حؤکمداري قازان خان دؤورونده (1295-1304) آپاريلميش و تبريزده بير باتمان (مان) 260 ديرهمه (832 قر) برابر توتولموشدور. صفويلر دؤورونده 832 قرامليق باتمان آرتيق ايشلک دئييلدي.
باتماندان دا گيرونکه کيمي چوخ گئنيش ايستيفاده اولونموشدور.
"آغير اوتور، باتمان گل" دئييمي ده بونونلا باغلي يارانميشدير.
قایناق
دَییشدیر- "کيتابي-دده قورقود ائنسيکلوپدياسي" ،2. جيلد. باکي،2004.
- Хинц В. “Мусульманские меры веса с переводом в метрическую систему”. М., 1970.
- آذربايجان ائتنوقرافياسي، باکي-2007، "شرق-غرب" نشرياتي. اوچ جيلدده. 3. جيلد. ص. 460. ايسبن 978-9952-34-152-2