باهارعلی بالکانلی
آشیق باهار بالکانلی یوخسا عاشیق بهارعلی اعماء بالکانلو بیر آذربایجانلی آشیق دیر.
یاشاییشی دَییشدیر
ﻗﻮﺷﺎﭼﺎﯾﯿﻦ(میاندوآب) ﺍﻭﺳﺘﺎﺩ ﺁﺷﯿﻘﻼﺭﯾﻨﺪﺍﻥ ﺳﺎییلان آشیق باهارعلی 1324جو ﮔﻮﻧﺶ ﺍﯾﻠﯽ ﺑﻮﺷﻬﺮﯾﻦ" ﮐﻮﺭﺩﮐﻨﺪﯼ "ﮐﻨﺪﯾﻨﺪﻩ آﻧﺎﺩﺍﻥ ﺍﻭﻟﻮﺏ.
ﺁﺷﯿﻐﯿﻦ ﯾﺎﺷﺎﯾﯿﺸﯽ ﺩﺍ ﺍﺋﯿﺸﯿﺘﻤﻪ ﻟﯿﺪﯾﺮ ﺍؤﺯﻭ : ﺑﯿﺮ ﻗﻀﺎ ﮐﺌﭽﯿﺮﯾﺐ،ﺍوﺯﻭﻥ ﻣﻮﺩﺩت دﻭﺳﺘﺎﻗﺪﺍ ﻗﺎلیب .ﺍﻭ ﺩﻭﺳﺘﺎﻗﺪﺍ ﯾﺎﺯﺩﯾﻐﯽ ،ﻗﻮﺷﻤﺎﻻﺭ، ﻣﮑﺘﻮﺑﻼﺭ، ﺍﻭﻧﻮﻥ ﺫﯾﻠﻠﺖ ﻭ ﺁﻏﯿﺮ ﻣﻌﯿﺸﺘﯿﻨﻪ ﻭ ﭼﺘﯿﻦ ﯾﺎﺷﺎﻣﺎﺳﯿﻨﺎ،ﺍﯾﺸﺎﺭﻩ ﺩﯾﺮ .
ﺳﻮﻧﺮﺍﻻﺭ ﻋﯿﺮﻓﺎﻥ ﻣﮑﺘﺒﯽ ﺍﯾﻠﻪ ﯾﺎﺧﯿﻨﺪﺍﻥ ﺗﺎﻧﯿﺶ ﺍﻭﻟﻮﺏ،ﻋؤﻣﻮﺭﻭﻧﻮﻥ ﺳﻮﻧﻮﻧﺎﺩﮎ،ﺑﯿﺮ ﻣﺌﻬﺮﺑﺎﻥ، ﮔﻮلر ﺍﻭﺯلو،ﺍﻭﺭﻩ ﯾﯽ ﺻﺎﻑ،ﺍﯾﻤﺎﻧﻠﯽ، ،ﭼﺎلیشقان،ﺩﺭﺩ ﺁﻧﻼﯾﺎﻥ بیر ﻋﺎﺭﯾﻒ ـ عاشیق و دده ﮐﯿﻤﯽ ﯾﺎﺷﺎییب.
آشیقلیق و یارادیجیلیق حایاتی دَییشدیر
ﺍؤﺯ ﺁﺗﺎﺳﯽ ﺁﺷﯿﻖ ﻋﺒﺪﺍﻟﻌﻠﯽﺩﻥ ﺩﺭﺳﯿﻦ ﺁﻟﯿﺐ. آﺗﺎﺳﯿﻨﯿﻦ ﺍﯾﮑﯽ ﺍﻭﺳﺘﺎﺩﯼ ﻭﺍﺭﯾﺪﯼ ﺑﯿﺮﯼ " ﻣﺤﻤﺪﻋﻠﯽ آغا " آرازین اوتاییندان کؤچموشدو اؤزوده هر بیر شئیین اوستادی ایدی، سازباغلایاردی ، اسلحه دوزه لدردی دمیرچیلیک ائدردی ،ﻭ ﺑﯿﺮی ده "ﮐﺮﺑﻼﯾﯽ ﺣﺴﯿﻦ " ۱۶ﺩﻓﻌﻪ ﺳﺎﺯﯾلا ﮐﺮبلایا ﺯﯾﺎﺭﺗﻪ ﮔﺌﺪﻣﯿش ایدﯼ.
آﺗﺎﺳﯽ ﺁﺷﯿﻖ ﻋﺒﺪﺍﻟﻌﻠﯽ 55 ایله ﯾﺎﺧﯿﻦ ﺁشیقلیق ﺻﻨﻌﺘﯿﻨﺪﻩ ﭼﺎﻟﯿﺸﯿﺐ. زیل سسه مالیک ایدی و گؤزلری آنادان اولاندان گؤرمز ایدی.
ﺁﺷﯿﻖ ﺑﺎﻫﺎﺭﻋﻠﯽ اؤزو ده 45 ایل آشیقلیق ائدیب و دئمک اولار قوشاچای و بوتونلوکله سهندآوا ماحالیندا آشیقلیغین قایناغی اولوب و هر آشیقلیق صنعتینه ماراقلی اولانا اؤز قایناغیندان بیر پای وئرمه یی اسیرگه مه ییب.ﭼﻮﺧﻠﻮ ﺷﺎگیرﺩﻟﺮ ﺩﻩ ﺗﺮﺑﯿﺖ ﺍﺋله ییب ﺁﺷﯿﻘﻠﯿﻖ ﺟﺎﻣﻌﻪ ﺳﯿﻨﻪ ﺗﺤﻮﯾﻞ ﻭﺋﺮﯾﺒﺪﯾﺮ. ﺍﻭ ﺟﻤﻠﻪ ﺩﻥ بیر نئچه سین آد آپارماق اولار: ﺭﺣﻤﺘﻠﯿﮏ ﺁﺷﯿﻖ ﺑﻬﺮﻭﺯ ﻓﺮﺟﯽ ،ﺁﺷﯿﻖ ﺑﻬﻤﻦ ﺻﺒﻮﺭﯼ ،ﺁﺷﯿﻖ ﻗﺪﺭﺕ ﻋﺰﯾﺰﯼ،مراغالی ﺁﺷﯿﻖ جمشید ، آشیق ابوالفضل دوز ایلقار و باشقالاری.
ﺁﺷﯿﻖ ﻋﻮﻣﻮﺭ ﺑﻮﯾﻮ آذربایجانیمیزین هر بیر ماحالیندا ﯾﺎﯾﻼﻗﻼﺭﺩﺍ،ﻗﯿﺸﻼﻗﻼﺭﺩﺍ،ﺍﺋﻞ ﺍﻭﺑﺎ ﺗﻮﯾﻼﺭﯾﻨﺪﺍ ، شنلیکلرینده، ییغینتیلاریندا ﺍﯾﺸﺘﯿﺮﺍﮎ ﺍﺋﺪﯾﺐ.
ﺩﺋﺪﯾﮕﯿﻨﻪ ﮔﻮﺭﻩ ﻗﯿﺰ ﻃﺮﻓﯿﻨﺪﻥ ﺍﻭﭺ نسیل (ﺁﻧﺎ،ﺍﻭﻧﻮﻥ ﻗﯿﺰﯼ ﻭ ﻧﻮﻩ ﺳﯽ ) ،ﺍﻭﻏﻼﻥ ﻃﺮﻓﯿﻨﺪﻥ ﺍﯾﮑﯽ نسیل ( ﺁﺗﺎ ﻭ ﺍﻭﻏﻮﻝ ) تویون ﺍﺋله ییب .
ﺁﺷﯿﻖ ﺑﺎﻫﺎﺭ،ﺁﺷﯿﻖ ﻫﺎﻭﺍﻻﺭﯾﻨﺪﺍﻥ، 1 دن 130 قدر ﺳﺎﯾﯿﺐ ﺩﻭﺯﮔﻮﻥ ﺷﮑﯿﻠﺪﻩ ﭼﺎﻻﺭﺩﯼ . 1345- ﺟﯽ ﺍﯾﻠﺪﻥﺑﺮﯼ ﺷﻌﺮ ﯾﺎﺯﻣﺎﻕ ﺍﯾﻠﻪ ﻣﺸﻐﻮﻝ ﺍﻭﻟموشدور.
ﺩﻭﺳﺘﺎﻗﺪﺍ ﺍﻭﻟﺪﻭﻏﻮ ﺯﺍﻣﺎﻧﻼﺭﺩﺍن بری سازبندلیک ﺍﺋﺪﯾﺮﺩﯼ .
آشیق باهارین ﺗﺤﺼﯿﻼﺗﯽ ﺁﺯ ﺍﻭﻟﺴﺎﯾﺪﯼ ﺩﺍ،ﺍؤﺯ ﺻﻨﻌﺘﯿﻨﺪﻩ ﺷؤﻫﺮهﺗﻪ ﻣﺎﻟﯿﮏ ﺍﯾﺪﯼ . او اؤز شعرلرینده "باهار"،" باهارعلی " تخلوصون گؤتورموشدو.ﺍﻭﻧﺪﺍﻥ ﭼﻮﺧﻠﻮ ﻗﻮﺷﻤﺎ،ﺩﯾﻮﺍﻧﯽ،ﮔﺮﺍﯾﻠﯽ،ﺍﻭﺳﺘﺎﺩﻧﺎﻣﻪ قالیبدیر کی ایندی ایشیق اوزو گؤرمه یه حاضیردیر.
ﻗﻮﺷﺎﭼﺎﯼ ﺁﺷﯿﻘﻼﺭﯼ ﻧﯿﻦ ﺭﯾﻮﺍﯾﺘﻠﺮﯾﻨﻪ گؤﺭﻩ، آشیق باهاردان " ﺳﺎﺭﺍﯼ " ﺁﺩﯾﻨﺪﺍ ﺑﯿﺮ ﺁﺷﯿﻖ ﻫﺎﻭﺍﺳﯽ ﻭ ﺑﯿﺮ ﺩﺍﺳﺘﺎﻧﺪﺍ " ﺗﻮﻓﺎﺭﻗﺎﻥ ﺳﻔﺮﯼ " آدیندا ،ﯾﺎﺭﺍﺩﯾﺐ ﻭ ﺁﺷﯿﻖﻟﯿﻖ ﺻﻨﻌﺘﯿﻨﻪ ﺁﺭﺗﯿﺮﯾﺒﺪﯾﺮ.
دونیادان کؤچمه سی دَییشدیر
ﺗﺄﺳﻮﻑ ﺍﻭﻟﺴﻮﻥ ﮐﯽ ﺁﺷﯿﻖ ﺑﺎﻫﺎﺭﻋﻠﯽ 1381 - ﺟﯽ ایلین ﯾﺎیین ﺁﺧﯿﺮ آیی (زومار / شهریور )نین 16 سیندا تویدان قاییداندا قارشیدان گلن ﺑﯿﺮ ﺳﺎﯾﯿﻖﺳﯿﺰ ﺳﻮﺭﻭﺟﻮﻧﻮﻥ ﺍﻟﯽ ﺍﯾﻠﻪ ﻗﻀﺎﯾﺎ ﻣﻌﺮﻭﺽ ﻗﺎﻟﯿﺐ آغیر یارالانیب و سازی دا تیکه تیکه اولوب. و نهایت آخشام چاغی گون باتاندا اورمونون یولوندا،گؤلون قیراغیندا یارالارا دایانماییب و ﺩﻭﻧﯿﺎﺩﺍﻥ کؤﭼﻮﺏ، ﺍﺑﺪﯾﺘﻪ قاﻭوشوب.
یئری اوچماق یولو داواملی