تیراختور

تیراختور (لاتینجا tractor– "دارتیجی") اکینچیلیک ده دارتیجی کیمی تطبیق ائدیلن تکرلی نقلیات وسیله سی دیر. اؤز کیچیک سرعتی و یوکسک دارتما گوجو ایله فرقله‌نیر. اکینچیلیک ایشلری‌نین یئرینه یئتیریلمه‌سینده و چتین کئچیلن یئرلرده گئنیش تطبیق تاپیر. تراکتورلار آرخا حیصه‌‌ده آسیلمیش و یا چارخلار اوزرینده حرکت ائده بیلن اکینچیلیک، تیکینتی و یا صنایع مکانیزملری ایله تجهیز اوْلونورلار. بۇ زامان لازیم اوْلان آقرقات تراکتورون آرخا حیصه‌‌سینده‌کی ایشچی واللا و موختلیف قالدیریجی قوللارلا بیرلشدیریلیر. ایش زامانی ایشچی همین مکانیزمی تراکتورون ایچریسیندن هیدرولیک ایداره ائتمه سیستمی‌نین کؤمگی ایله حرکت ائتدیریر. تراکتورلار چتین شرایطده تربیق اوْلوندوغوندان اونلارین تکرلری‌نین هامیسی آپاریجیدیر. تکرلره ایری دیشلی رئزین اوزلوکلرین کئچیریلمه‌سی ایله چتین یوللاری قطع ائتمک اولور.

تراکتورلار موختلیف ساحه‌‌لرده تطبیق اوْلوندوغوندان اونلارین سرعتلری‌نین تنظیملنمه‌سی لازیم گلیر. بوندان علاوه‌‌ تراکتورلاردا گئنیش تطبیق اوْلونان قاباق یوکله‌مه یئری، بعضی حاللاردا ایسه بۇ اوست حیصه‌‌ده یئرلشدیریلیر. حال-حاضردا بؤیوک تراکتورلارین کابیناسیندا دوزگون تهویه سیستمی یئرلشدیریلیر. باشقا نقلیات واسطه‌‌لریندن فرقلی اواراق تراکتورلار دیفرانسیل اؤتورمه‌یه مالیک اوْلوب آیری-آیری تکرلرین ایلنجینه ایمکان وئریر. تراکتورلارین حرکت سرعتی‌نین گئتدیکجه آرتماسی (80 کم/ساعت) و تکرلره دوشن تضییق نتیجه‌سینده اونلارین فنر کومکلری قابیلیتی‌نین آشاغی اولماسی اوجوندان اکثر تراکتورلارین قاباق حیصه‌‌سینده فنر کومکلری یئرلیشدیریرلر. بۇ چوخ واخت قابق اوخون یای و یا هیدرولیک اولاراق حیاتا کئچیریلیر.