جاکومو کازانووا
جاکومو جیرلامو کازانووا دو سینگال (2 آپریلده 1725-جی ایلده دوغولوب و 4 جون 1798 ده وفات ائتمیش) ونیز جمهوریتیندن ایتالیالی مشهور یازیچی، ماجرا پرست و سیاحیدیر.
| جاکومو کازانووا | |
|---|---|
 | |
| آد | جاکومو کازانووا |
| قیسا بیلگی | ماجیراچی، سیّاح،یازیچی |
| دوْغوم تاریخ | 2 آوریل 1725-جی ایل ونیز |
| اؤلوم تاریخ | 4 جون 1798 |
| آیری آدلار | جاکومو جیرلامو کازانووا دو سینگال |
حیاتی
دَییشدیرکازانووا 18-جی عصرین 28 نووامبر 1742-جی ایلده پادووا ئونیوئرسیته سینده دونیوی و کیلیسا حوقوقو اؤیرنه رک دوْکتور تیتولو آلیر. ناپل،رم، ایستانبول و پاریس شهرلرینی سیاحت ائتدیکدن سونرا ونیزه دؤنور و کوفورلیکده گوناهلاندیزیلاراق 1755-جی ایلده دوستاغا آتیلیر. اونون اساسا حبس اولماغی اوندا زوهر کیتابی تاپیلدیغی اولموشدور. 1756-جی ایلده او،پاریسه قاچاراق ،اورادا یئرلی ایجتماعی و شخسی حیات طرزینی اؤیرنمه گه باشلاییر. اونون خاطیراتیندا یازمیش اولوغو کیمی،یئنی ایمیجله آوروپادا پیدا اولان کازانووا برلینه گلرک بؤیوک فریدریک ین پرستیشینی قازانیر.1760-جی ایلده پاپ کلمنت 13ـه معرفی اولونور.ائله بو واخت کازانووا "قیزیل شپور" اوردئنینه لاییق گؤرولور. 1767-1765 ایللرده روسیه یه گئدرک سنتپترزبورگ دا کاترین 2 ایله گؤروشور. داها سونرا او، اوتریش،آلمان،فرانسه،ایسپانیا و ایتالیا دا سیاحت ائدیر و سرگردان بیر حیات سورور. اونون تانیشلارینین ایچینده وولتر،یوهان وولفانگ گوته و وولفقانق آماد موتزارت کیمی موتفککیرلر اولموشلار.1775-جی ایلده ونیزه دؤنمک اۆچون ایجازه آلان کازانووا شهری داخیلی ایشلر خیدمتینین اینویزیسیا تریبولانین گیزلی مامورو اولور.1782-جی ایلده آللقریک رومانیندا زادگن گریمالدینی نحقیر ائتدی دینه گؤره ونیزی ترک ائدرک چک ـه گلرک کیمیا و کابالا ایله مشغول اولان گراف والدشتین قصرینه یئرلشیر
