جنوبی آذربایجان درگیلری
تبریزده ایلک مطبعه نین قورولماسینین (سربی چاپ 1196 گونش ایلی – 1233 قمری؛ داش باسماسی 1203 شمسی-1240 قمری)، عمومیته ایران مطبوعاتینین یاییمیندا بؤیوک رولو اوْلموشدور.[۱][۲]
گونئی آذربایجان قزئت‌لری نین تاریخی
دَییشدیر
1228 -اینجی ایلدن 1300-اونجو ایله قدر
دَییشدیرگونئی آذربایجانین ایلک قزئتی، "زارزاریت باهرا" (ایشیق‌لیق شوعاسی) ایمیش. بو درگی 1265 [۳] (بعضی قایناق‌لاردا 1267 ه.ق [۱][۲][۴]) ایلینده نشره باشلاییر. 1260-اینجی ایل‌لری‌نین سونوندا قزئت‌لرین سایی 7 قزئته چاتیر. 1270 –اینجی ایل‌لرده بونلارین سایی 9 قزئت‌دیر و بوتونلوک‌له مشروطه فرمانی اعلان اولان زاماناجان 14 قزئت گونئی آذربایجان‌دا یاییلیب‌میش.
مشروطه اینقیلابیندان (1284 شمسی، 14 جمادی الثانی 1324 قمری) قزئت‌لرین یاییلماسی گئنیش میقیاس‌دا آرتیر و اونلارین سایی 1280 –اینجی ایل‌لرده 84 قزئت و 1284 –دونجو ایلدن 1300 ایلینه‌جن 90 قزئته آرتیر.[۲]
رضاخان زامانی
دَییشدیررضاخانین حکومتی زامانیندا، ایستیبدادین گئنیشلشمه‌سی‌له قزئت‌لرین سایی آزالیر. 1300-اونجو ایلدن 1320 یه‌جن بوتونلوک‌ده 23 قزئت یاییلیر و 1310-اونجو ایل‌لری‌نین سونلاریندا ان آشاغی حددینه یانی 5 قزئته یئنیر.[۲]
1320-دن 1332-اینجی ایله قدر
دَییشدیرایکینجی دونیا موحاریبه‌سیندن سونرا موتتفیق‌لر ایرانا گیریب و ریضاشاه ایشدن کانارا قویولور. بو تاریخ‌دن قزئت یایماق بویوک سورعت‌له گئنیشلشیر. گونئی آذربایجان‌دا یاییلان درگی‌لر 1320-اینجی ایل‌لرده 84 و 1320 دن 1332 ایل‌لری آراسیندا 110 قزئته آرتیر. بو دووره آذربایجان درگی‌لرینین ان اوغورلو دوورلریندیر.[۲]
1332-دن 1375-ه قدر
دَییشدیر1325-اینجی ایل‌ده، گونئی آزبایجانین ایشقالیندان سونرا و همچینین دوکتور موصددیق‌ین نخست‌وزیرلییندن سونرا درگی‌لرین یاییلماسی دایاندیریلیر و بیر روکود وضعیت حاکیم اولور. 1332-اینجی ایلدن 1357 –اینجی ایله‌قدر قزئت‌لرین سایی ان آشاغی حدده یئنیر بئله کی 1340-ایل‌لرده گونئی‌ده تکجه بیر دنه یئنی درگی ایشه باشلاییر و بوتونلوک‌ده بو 1332 –اینجی ایلدن 1357-اینجی ایله‌جن بوتون یایلمیش درگی‌لرین سایی 7 دنه‌دیر.[۲]
1375-دن 1376-اینجی ایله قدر
دَییشدیرایسلام اینقیلابیندان سونرا (1357-اینجی ایل) یئنی‌دن قزئت یایماق گئنیشلنیر و 1357-اینجی ایلدن 1361-اینجی ایله‌جن 30 قزئت گونئی آذربایجان یاییلیر. 1361-اینجی ایلدن آزادلیق‌لار آزالیر و 1360-اینجی ایل‌لرده تکجه 15 قزئته یاییلماغا ایجازه وئریلیر. بوتونلوک‌ده 1361-اینجی ایلدن 1376-اینجی ایله‌جن 22 دنه یئنی قزئت یاییلیرمیش.
1376-اینجی ایلدن 1380-اینجی ایله‌جن یئنی‌دن آزادلیق‌لار گئنیشلشیر و دورد ایل عرضینده 21 یئنی قزئت یاییلماغا باشلاییر.[۲]
قایناق‌لار
دَییشدیر- ^ ۱٫۰ ۱٫۱ آذربایجان خاستگاه روزنامه نگاری نوین در ایران[دائمی اولو باغلانتیلی]
- ^ ۲٫۰ ۲٫۱ ۲٫۲ ۲٫۳ ۲٫۴ ۲٫۵ ۲٫۶ بررسی اجمالی تاریخ روزنامه‌های آذربایجان از 1230 تا 1380، موسی مجیدی، کتابداری، دفتر 37 1380
- ^ دانشنامه مطبوعات آذربایجان بررسی عنوان یک کتاب، سید فرید قاسمی، رسانه، سال هفتم شماره چهارم، ص 111
- ^ دانشنامه مطبوعات آذربایجان، سعید جلیلی، انتشارات مهد آزادی، تبریز 1375