جوره ناغارا

جۆره ناغارا، اساساً، زورناچیلار دسته‌سینی موشاییعت ائدیر. موسیقی فولکلوروندا اؤزونه مخصوص رولو و فونکسیونو واردیر. اساس ناغارادان خئیلی کیچیک اولور. آلتین آدی "جۆره" (کیچیک) سؤزو ده بو معنانی وئریر. ساغاناغی موختلیف آغاج نؤوعلریندن سیلیندریک فورمادا حاضیرلانیر. اوزونه کئچی و یاخود قویون دریسی چکیلیر.

دئمک اولار کی، هئچ واخت تک ایستیفاده ائدیلمیر، همیشه قورولوشلاری عئینی اولان بؤیوک ناغارا ایله بیرلیکده سسلندیریلیر.

باش طرفی گئرییه اَییلمیش ایکی یونگول چوبوقلا سسلندیریلیر. دیامتری 300–320 م‌م، هوندورلوگو 340–360 م‌م-دیر.

چیلینگ ناغارا اساساً زورناچیلار دسته‌سینده ایستیفاده ائدیلیر. بئله ناغارالارین اؤلچوسو کیچیک، دریلری ایسه نیسبتاً قالین و داواملی اولور. الـله دئییل، بیر جوت چیلینگله سسلندیریلیر. موطلق چومباق ناغارانین موشاییعتی ایله ایفا ائدیلیر، چونکی چیلینگ ناغارادا گوجلو وورغولار وورولمور. یالنیز موختلیف "خیردالیقلار" ،ریتملر چالینیر. بو ریتملرین گوجلو وورغولاری ایسه چومباق ناغارادا سسلندیریلیر. چیلینگلر زوغال آغاجی‌نین دوز بوداقلاریندان قوشا ناغارانین چوبوقلاری شکلینده حاضیرلانیر، آنجاق بیر قدر قیسا اولور. چیلینگ ناغارادان علی اکبرحئیدرلی اوغلو تئز-تئز ایستیفاده ائدیر.

کیچیک ناغارا - دیامتری ان کیچیک (29-30س‌م) ناغارا.