حئیوانلار قالاسی
حئیوانلار قالاسی (اینگیلیسجه: Animal Farm) جورج اورولون یازدیغی رومان. بو رومان ایلک دفعه 1945-جی ایلده اینگیلیستاندا یاییلیبدیر. رومان شوروی‌ده اولان 1917-جی ایلین اینقیلابی و ایستالین زامانیندا اولان عدالتسیزلیک و شوعارلا عمللرین فرقلرینه اعتیراض کیمی یازیلیبدیر. [۱]
 | |
| یازار | جورج اورول |
| اورژینال دیلی | اینگیلیسجه |
| اؤلکه | اینگیلیستان |
| چئویرن | اکبر رحیم‌زادفرجی |
موضوع
دَییشدیربو رومان جونزون اوتلاغیندا یاشایان حئیوانلارین قیامی باره‌سینده‌دیر. حئیوانلار قیام ائدرک جونزو اوتلاقلیقدان قاچماغا مجبور ائدیرلر و دونقوزلار لیدرلیک ایشلرین اله آلیرلار. ایلک اونجه هر شئی یازیلی شوعارلار اساسیندا ایره‌لیله‌ییر. زامان کئچدیکجه لیدرلر شوعارلاری اوز نفعلرینه تحریف ائدیرلر و جونزون ائتدیگی عمللری اوزلری تکرارلاییرلار. بیر خاریجی دوشمان و هر شئیی اونون بوینونا آتماق حربه‌سیده بو روماندا ماراقلی صورتده اؤنه چکیلیر.
آذربایجان تورکجه‌سینه چئویرمه
دَییشدیربو کیتاب هم نثر صورتینده و هم نظم صورتینده آذربایجان تورکجه‌سینه چئوریلیبدیر. کیتابین نثر صورتی اصلینده لاتین الیفباسیندا اولان چئویرمه‌دن گوتورولوبدور. لاتین الیفباسیندا اولان چئویرمه ویلایت قلی‌یئو الیله و "حئیوانیستان Heyvanistan" آدیلا یاییلیبدیر. اکبر رحیم‌زادفرجی اونو "حیوانلار قالاسی" آدیلا 1389-جو ایلده لاتین الیفباسیندان عرب الیفباسینا کوچوروبدور.[۲][۳]
بو کیتاب 1385-جی ایلده، محمد اشراقی طرفیندن نظم صورتینده آذربایجان تورکجه‌سینه چئوریلیبدیر. کیتاب "سازمان اسناد و کتابخانه ملی ایران" طرفیندن یاییلیبدیر.[۴]
قایناقلار
دَییشدیر- ^ BBC. (اینگیلیسجه) BBC Learning Zone, Animal Farm. یوخلانیلیب ۲۰۱۵-۰۸-۰۹.
- ^ کتابخانه، موزه و مرکز اسناد مجلس شورای اسلامی. (فارسجا) کتابخانه، موزه و مرکز اسناد مجلس شورای اسلامی. یوخلانیلیب ۲۰۱۵-۰۸-۰۹.
- ^ خبرگزاری کتاب ایران (27 ارديبهشت 1389 ساعت 10:43). (فارسجا) «قلعه حیوانات» به ترکی منتشر می‌شود. خبرگزاری کتاب ایران. یوخلانیلیب ۲۰۱۵-۰۸-۰۹.
- ^ کنسرسیوم محتوای ملی (1390/5/24). (فارسجا) ح‍ي‍وان‍لار ق‍الاس‍ي: توركجه منظومه. کنسرسیوم محتوای ملی. یوخلانیلیب ۲۰۱۵-۰۸-۰۹.