حسن کوثر
حسن کوثر آدلیم تورکمن شاعیر و یازیچی ۱۹۴۲-جی میلادی ایلده تورکمن ائلینین کرکوک شهرینده آنادان اوْلموشدور. کوثر ۱۹۶۰-جی میلادی ایلده عیراقین دارالمعلمینینه داخل اوْلوب، ۱۹۶۲-جی ایلده تحصیلین قورتاریب، معلم‌لیک اۆچون عیراقین گۆنئیینده یئرلشن ذی قار بؤلومونده بیر کنده گئتمیشدیر. ایکی ایل درس وئرمه‌دن سوْنرا معلم‌لیگین دوامی اۆچون کرکوک بؤلگه‌سینده بیر مدرسه‌یه دؤنموشدور. ۱۹۷۱-جی ایلده ایلک شعر کیتابی اوْلان الأوراق المتساقطة یاییلمیشدیر. شعرده استعدادلی اوْلان حسن کوثر اؤز یاشاییشیندا چوخلو شعر یاریشلاریندا شرکت ائدیب، یوخاری مقاملارا چاتمیشدیر. ۲۰۰۳-جو میلادی ایلده بعث رژیمینین دۆشمه‌سی ایله تورکمن ادیب یولداشلاری ایله بیرلیکده تورکمن ادیبلر بیرلیگین کرکوکده قۇروب‌دور. ۲۰۰۵-جی ایلدن تورکمن ایلی جریده‌سینین باش محرری و ۲۰۰۸-جی ایلدن تورکمن ایلی مجله‌سینین یازیچی‌لاریندان و قحطان هرمزی‌نین اؤلوموندن سوْنرا تورکمن ادیبلر بیرلیگینین باشچی‌سی اوْلوب‌دور. حسن کوثرین دیرلی اثرلریندن بیری تۆرکجه-عربجه سؤزلوک‌دور. بۇ اثر حسن کوثرله بیرلیکده اۆچ تورکمن ادیب (محمد خورشید داقوقلی، مولود طه قایاچی و نجات کوثر اوغلو) طرفیندن یازیلیب‌دیر.[۱]
| حسن کوثر | |
|---|---|
| آد | حسن کوثر |
| قیسا بیلگی | چاغداش تۆرکمن شاعیری (عیراق تورکمنلریندن) |
| دوْغوم تاریخ | ۱۹۴۲-جی میلادی ایل کرکوک |
| اؤلوم تاریخ | ۲۰۱۵-جی میلادی ایل |
| میللیت | تورک |
شعرلریندن میثال دَییشدیر
۲۰۱۲-جی میلادی ایلده یاییلان گۆنش قۇشلاری مجموعه‌سیندن قومرو شعری (بو مجموعه‌ده قۇشلار تورکمنلر اۆچون درین دۆشونجه‌لردن استعاره دیرلر):
| یئتر بونجا فغان قۇمرو | دونیا یالان، یالان قۇمرو | |
| یۆکله دردین دردیم اۆزره | بیز جان ایله جانان قۇمرو | |
| عرشه چیقار هایی هۇیون | کیملر چالمیش دنین سۇیون | |
| کندین گؤزل، تمیز خۇیون | وارمی سنه دۆشمن قۇمرو | |
| کیمین اؤلموش یاسدا باشین | سئللر گیبی آقار یاشین | |
| کؤنلونده‌کی قور آتشین | چیقسا یانار جهان قۇمرو | |
| مین بلایه اولدوق دوچار | خیال گیبی حیات گئچر | |
| سنده ناچار منده ناچار | عمره دۆشموش تالان قۇمرو |
قایناقلار دَییشدیر
- ^ فلاح یازار اوغلو. التربوي والأديب والصحافي حسن كوثر رضا في ذمة الخلود (عربجه). کرکوک وقفی.