حسین مسلمی

حسین مسلمی (د. خرداد 1351ـ تیرکرت ـ فریدن) ایران چاغداش یازیچی و شاعیر.

یاشامی

حسین مسلمی ۱۳۵۱نجی ایلده فریدنین کرچمبو محالینین تیرکرت کندینده، دونیایا گؤز آچمیش.

مقاله‌لریندن

• «فریدن» و اونون تورکجه سینه قیسّا بیر باخیش.

شعرلریندن

بیر اولوس عشقی اونوتدو

بیر اولوس، عشقی اونوتدو، بیر قبیله/ هئی آسیلدی اؤزگه یه، یانیلدی دیله

آغی ایچدی بیر چاناغدان، اؤیله ساندی/ یئتیشیبدی كوثره، دئه سلسبیله

بو كریم و ساده، ساده نین رقیبی/ دولو آل ایله، بساطی مكر و حیله

بونو خانلاری عجوزه یه چئویردی/ اونو قوللاری، عروس لابدیله

بو كولاسینا ساتیلدی، یوخ بهانه/ او ریاسینا دایاندی، باخ دلیله

بیری خائن اولسا بیر اولوسدا، گؤرسن/ سالاجاقدی ملتین نه قال و قیله

هامیسی، توتوق ووروبدو داغ دؤشونده/ بو سالیبدی ائل اوبایی، بیر مسیله

بو آرازدی یا ارس؟ دئه قوتلو اولسون/ ووراجاق عاصایی، عمران اوغلو نیله

بؤیوگ اوغلو اینجیمه، ساغ اول دییه ن وار/ سؤزویو دئه زنگانا، یاز اردبیله

(تیركرت کندی، یای/1378)

آیریجا باخ

• پشت کوه قاف