حسین نامیق اورکون
حسین نامیق اوْرکۇن (دوْغوم: ۱۵ آوقۇست ۱۹۰۲، ایستانبۇل، عثمانلی ایمپراتوْرلۇغۇ - اؤلوم: ۲۳ مارس، ۱۹۵۶، آنکارا، تۆرکیه جۆمهوْریتی) - تۆرک تاریخچی، دیلچی. تۆرکلۆک، تۆرکچۆلۆک و تۆرک دۆنیاسی حاقیندا اثرلر یازمیشدیر. [۱]
| حسین نامیق اورکون | |
|---|---|
| دوْغوم تاریخ | ۱۵ آقوست ۱۹۰۲ تورکیه - ایستانبول |
| اؤلوم تاریخ | ۲۳ مارس ۱۹۵۶ (۵۳ یاشیندا) تورکیه - آنکارا |
| میللیت | تورک |
| ایش | یازیچی |
یاشاییشی
دَییشدیر1902-جی ایلده ایستانبۇلدا دۆنیایا گلمیشدیر. اوْرتا تحصیلینی نیشانتاشی سۇلطانیسینده تاماملامیشدیر.ایستانبۇل اۇنیورسیتتی ادبیات فاکۆلتهسینین تاریخ بؤلمهسینی بیتیردیکدن سوْنرا بۇداپست اۇنیورسیتتینین فلسفه فاکۆلتهسینده تۆرکوْلوْژی تحصیلی آلمیشدیر. گیۇلا نمتهین طلبهسی اوْلمۇشدۇر. تۆرک سوْیۇنۇن 20-جی عصرده یاشاماقدا اوْلان قوْللاری حاقینداکی " تۆرک دۆنیاسی " آدلی اثرینی بۇداپستده یازمیشدیر. اثر 1932-جی ایلده تۆرکیه ده نشر ائدیلمیشدیر.[۲]
1930-جی یلده تحصیلینی تاماملامیش و قازی تحصیل اینیستیتۇتۇندا تاریخ مۆعلیملیگینه تعیین ائدیلمیشدیر. اینیستیتۇتدا، پوْلیس کالجینده، دؤولت کوْنسرواتوْریاسیندا و طیب فاکۆلتهسینده اۇزۇن ایللر تۆرک تاریخی و اینقیلاب درسلری وئرمیشدیر.
مۆعلیملیکله یاناشی، تۆرک دیلی و تاریخی اۆزره آراشدیرمالار ائتمیشدیر. یاییملاری آراسیندا تۆرک افسانهلری و داستانلاری، تۆرک بوْیلاری ایله علاقهلی آراشدیرمالار، تۆرکلۆک و تۆرکچۆلۆک ایله علاقهلی دۆشۆنجه یازیلاری، یاییم تنقیدلری و تانیدمالاری یئر آلمیشدیر.
1944-جۆ ایلده ایرقچیلیک-تۇرانچیلیق محکمهسینده مۆحاکیمه ائدیلمیشدیر. بیر ایل حبسده قالدیقدان سوْنرا برائت آلمیشدیر. حبسدن چیخدیقدان سوْنرا صحتینده پروْبلملر یاشایان اوْرکۇن 1956-جی ایلده آنکارادا حیاتینی ایتیرمیشدیر.[۳]
اثرلری
دَییشدیر- پئچنک لر، 1933
- آتیللا و اوْغۇللاری، 1933
- اوْغۇزلارا دایر، 1935
- هۇنلار، 1938
- تۆرک تاریخی نین بیزانس قایناکلاری، 1938
- عثمانلی لارین آصلینا دایر، 1939
- تۆرک ایستیلاسی دؤورۆنده ماجاریستان و آوۇستۇریادا جاسۇسلار، 1939
- تۆرک سؤزۆنۆن آصلی، 1940
- ائسکی تۆرک یازیت لاری (4 جیلد)، 1936-1941
- پرنس کالیانامکارا و پاپامکارا حیکایه سی نین اۇیغۇرجاسی، 1940
- تۆرک افسانه لری، 1943
- یئراۆزۆنده تۆرک لر، 1944
- تۆرکچۆلۆگۆن تاریخی 1944
- تۆرک تاریخی (4 جیلد)، 1946
- ائسکی تۆرکلرده ائوجیل حئیوان لارین تاریخچه سی، 1954[۴]
اتک یازیلار
دَییشدیر- ^ "Hüseyin Namık Orkun". biyografya.com. 25 iyun 2020 tarixində orijinalından arxivləşdirilib
- ^ "ORKUN, Hüseyin Namık". islamansiklopedisi.org. 25 iyun 2020 tarixində orijinalından arxivləşdirilib
- ^ Sami Yavrucuk. "Unutulmayan Türkçü Hüseyin Namık Orkun". yenicaggazetesi.com. 25 iyun 2020 tarixində orijinalından arxivləşdirilib. İstifadə tarixi: 20 mart 2008.
- ^ "Hüseyin Namık Orkunun kitapları". kitapyurdu.com. 25 iyun 2020 tarixində orijinalından arxivləşdirilib.