دانیشیق:شومال
سوْن نظر: باشلیق مؤوضوعسوندا ۲ سال پیش، Trkgs ایله
باشلیق دَییشدیر
@Ziraksima: سلام. منجه بیزیم دیلیمیزده غرب و شرق سؤزجوکلری داها چوخ ایشلنیر تا باتی و دوغو سؤزجوکلری. اما قوزئی و گونئی سؤزجوکلری بو قضعیه‌یه شامیل اولمورلار، چون هم گونئی و هم قوزئی کلمه‌لری بیزیم دیلیمیزده هم گئچمیشده و هم بوگون ایشله‌نیرلر. میثال اوچون بو باشلیقلارا باخین:
- گونئی (مانشان) (زنجان اوستانیندا بیر کند)
- گونئی آسیا
- گونئی اوقیانوسو
- قوزئی دنیزی
- قوزئی اوروپا
- قوزئی کوره
- قوزئی قیبریس تورک جومهوریتی
- قوزئی قوطبو
- و ...
منجه شمال و جنوب سؤزجوکلرینین یئرینه قوزئی و گونئی سؤزجوکلری داها اویغون‌دورلار.Trkgs (دانیشیق) ۱۷ آقوست ۲۰۲۱، ساعت ۱۳:۵۴ (UTC)
- @Trkgs: اوراجان کی بیلیرم (یادا بولورم) قوزئی و گونئی کلمه‌لری آنادولو تورکجه‌سینده ایستیفاده اولونور و آذربایجان جومهوریتینده و جنوبی آذربایجاندا (ایران آذربایجانیندا) بو ایکی کلمه‌نین یئرینه «شمال» و «جنوب» کلمه‌سیندن ایستیفاده اولونور. او صفحه باشلیقلاریداکی لیستده یازیبسیز، خالق ایچینده ایستیفاده اولونان کلمه‌لر دییر. بعضیلری حتا چوخ غریب کلمه‌دیلر میثال: قوزئی قوطبو، قوزئی کوره، قوزئی قیبریس تورک جومهوریتی، گونئی آسیا... بو کلمه‌لری فیکر ائیلمیرم کی تبریز، اورومیه، اردبیل، زنجان و.... شهرلرده ایستیفاده اولونسون. و بیر آیری سوزده‌کی ایستیرم یازام بودور کی: منیم نظریمه بو ویکی جنوبی آذربایجان ویکی‌سیدیر و گره بو منطقه‌ده ایستیفاده اولان کلمه‌لردن و فعل‌لردن فایدالاناق. بو ایشین بویوک نفعی بو دورکی، بو ویکی‌یه باش ووران و بو مقاله‌لری اوخییب و فایدالانان چوخ اولسون و بیزیم ویکیمیزین یوخاریه گلمه‌سینه باعیث اولار. ایندی من چوخ آداملاردان ائشیدیرم کی دئییلر بو ویکی بیز دانیشدیقیمیز دیله یازیلمایب. بلکه چوخلی آنادولو تورکجه‌سی دیلینه و چوخ کلاسیک شکلیده آذربایجان جومهوریتینین مکتوبلاری مودل‌ده یازیلیب و بو ویکینی اوخوماق و دوشونماق چوخ چتین اولوب... و سون سوزومده بو دور کی بو ویکی تمام ویکیلره تای، منیم یا سیزین نظریله ایداره اولمور (بو سوز توهین‌لی سوز دییر) و ویکینین اوزونه گوره قانونلاری وار کی بیزده بو قانونلاریله بو ویکینی ایداره ائتملییک. اوراجان کی بیلیرم بو جور ایشلرین باره سینده رای توتماقیله حل اولا بیلر. گینه‌ده سیزین نظریزدن ایستیفاده ائیلیه بیلروخ. سیزدن چوخ تشکور Ziraksima (دانیشیق) ۱۷ آقوست ۲۰۲۱، ساعت ۱۵:۳۵ (UTC)
سلام. منیم نظریمه ائله باشلیق لاریندا شمال و ... یازین مقاله‌نین ایچینده مثلا قوزئی کلمه سینی ده یازین مثلا جنوب(گونئی) بئله یاخچی اولار فیکر ائلیرم.حورمتله-Bitim (دانیشیق) ۱۸ آقوست ۲۰۲۱، ساعت ۱۰:۲۸ (UTC)
- @Ziraksima: بَی منیم شمال و یا جنوب سؤزجوکلرینین ایشلتمه‌سی‌ایله موشکولوم یوخدور. منده فقط اؤز نظریمی یازدیم. بونو دا دئمه‌لیم کی بیزیم دیلیمیزده "شمال" و "جنوب" سؤزجوکلرینه علاوه "گونئی" و "قوزئی" سؤزجوکلرینی ده ایشله‌دیرلر. لاپ ساده میثالی ائله کندلرین و محله‌لرین آدی دیر، ائله آذربایجاندا چوخلو کندلر و یا محله‌لر گونئی آدیندا و بعضاً قوزئی آدیندا واردیرلار. هر حالدا گینه ده دئیرم منیم شمال و جنوب سؤزجوکلری‌ایله موشکولوم یوخدور، اما اگر قرار اولسا شمال و جنوب کلمه‌لریندن ایستیفاده ائدک، اوندا بس گرک اوستده یازدیغیم باشلیقلاری دا دَییشک و مثلاً قوزئی کوره صفحه‌سینی شمالی کوره صفحه‌سینه یوللاندیراق. حؤرمتله.Trkgs (دانیشیق) ۱۹ آقوست ۲۰۲۱، ساعت ۱۵:۱۰ (UTC)