دینی میلتچی‌لیک

 دینی میلتچی‌لیک — میلتچی‌لیگین موعین بیر دینی اینانج و یا دوقما ایله اولان علاقه‌سی‌دیر.[۱]

  ماهیتی دَییشدیر

  بو علاقه  ایکی یئره آییریلا بیلر: 

  • دین سیاستی 
  • دینین سیاست اوزرینده کی  تاثیری 

  پایلاشیلان بیر دین میلتین وطنداش‌لاری آراسیندا اورتاق بیر علاقه  اولان بیرلیک دویغوسونا علاوه  دَیر یوکله‌ییر. دینین دیگر بیر سیاسی طرفی، بعضی حاللاردا پایلاشیلان اتنیک منسوبیت، دیل و یا کولتور کیمی میلی کیملیگی دستکله مه‌سی‌دیر.[۲]

مسیحیت و میلتچی‌لیک دَییشدیر

  مسیحی میلتچی‌لر مسیحیت قانون‌لارینی کئچه‌رک، داخیلی سیاسیته داها چوخ دیقت آییریرلار. بیریتانیادا مسیحی میلتچی‌لیگی موحافیظه‌کار اولماغا داها مئییل‌لی‌دیرلر. 20. عصرین ایلک یاریسینداکی موحاریبه‌لر دؤورونده خوصوصی اولاراق موختلیف اوروپا اؤلکه‌لرینده سیاسی گؤروش‌لرین ساغ جیناحیندا دینی میلتچی‌لیک و یا دین میلتچی‌لیگی‌نین (کلئرو-میلتچی‌لیک و یا کرئتیزم-میلتچی‌لیگی) موعین رادیکال‌لاشمیش فورمالاری اورتایا چیخیردی. لهستاندا میلتچی‌لیک هر زامان کاتولیک کیلیساسینا باغلی اولموشدور. لهستان میلّی دیریلیش کیمی قروپلار، Vielka Polska Katolicka (بؤیوک کاتولیک لهستان) کیمی شوعارلاردان ایستیفاده ائدیرلر، ائش‌جینسلی ائولی‌لیک‌لری‌نین و کورتاژین قانونی‌لشدیریلمه‌سینه شیدّتله قارشی چیخیرلار. رادیو ماریژا ایله علاقه‌لی موحافیظه‌کار دینی قروپلار، اساسا و آنتی-سِمیت مؤوقعلرینه گؤره گوناهلاندیریلیرلار. شرقی اورتودوکس و میلی اورتودوکس کیلیسالارینا اورتاق اولاراق باغلی‌لیق ایله کاراکتریزه اولونان دینی میلتچی‌لیک، بیر چوخ شرقی اوروپا اؤلکه‌سینده و روسیه فدراسیونوندا وار. روس میلی بیرلیگی کیمی بیر چوخ نئو-فاشیست و نئو-نازیست قروپ روس اورتودوکس کیلیساسی‌نین حوقوق‌لاری‌نین آرتیریلماسینی طلب ائتمکده دیر.[۳]

ایسلام و میلتچی‌لیک دَییشدیر

  پاکیستان میلتچی‌لیگی، ایکی میلت نظریه‌سینده فورمالاشدیریلان موسلمان میراثی ایله، ایسلام دینی و پان-ایسلامچی‌لیقلا یاخیندان علاقه‌لی‌دیر. عئینی زاماندا، بورادا میلّی اؤزونودرکی فورمالاشدیرماغا کؤمکچی اولان ان بؤیوک فاکتور دین عامیلی‌دیر. باشقا اهالیسی موسلمان اولان اؤلکه‌لرین اکثریتینده ایسه میلتچی‌لیکله ایسلام چوخ دا یاخین دئییللر.[۴] 

یهودی‌لیک و میلتچی‌لیک دَییشدیر

  دینی صهیونیزم، صهیونیزم و دیندار یهودی‌لیگی بیرلشدیرن ایدئولوژی‌دیر. ایسرائیل دؤولتی‌نین قورولماسیندان اول دینی صهیونیست‌لر ایسرائیل تورپاق‌لاریندا یهودی دؤولت قورما جهدلرینی دستکله‌ین یهودی‌لر ایدی. دینی صهیونیست حرکات ایسرائیل میلتچی‌لیگی ایله بوتونلشدی و ایدئولوژی‌سی اوچ سوتون اوزه‌رینده فورمالاشان نئوصهیونیزم حالینا گلدی:[۵]

  •   ایسرائیل تورپاغی 
  •   ایسرائیل خالقی 
  •   ایسرائیل تؤوراتی 

هیندویزم و میلتچی‌لیک دَییشدیر

  هیند اهالیسی نین یوکسک سویه ده دیل باخیمیندان، دینی و اتنیک موختلیف‌لیگی نظره آلیندیغیندا، هیندیستانداکی میلتچی‌لیک اساسا میلتچی‌لیک اولاراق دَیرلندیریله بیلمز. هیند وطنداش‌لاری مولکی، کولتورل و یا 3. دونیا میلتچی‌لیگینی تشکیل ائدیرلر. بعضی شرحچی‌لر، هیندلرین چوخونون هیندو اولماسینا رغما مودرن هیندیستاندا موعاصیر بیر هیندو میلتچی‌لیگینی یالنیز ایکی پارتیانین تمثیل ائتدیگی بیلدیرریلر.[۶]

  • ''Hindu ya Bhareti Janata پارتیاسیı''
  • ''Rashtriya Svayamsevak Sangh پارتیاسیı''

اتک یازیلار دَییشدیر

  1. ^ Panayotis Tournikiotis, Prefacio a La historiografía de la arquitectura moderna, Reverte, 2001, ISBN 8482113437, s. 17.
  2. ^ Jose Ortega y Gasset (1928): the "Philosophy of History" of Hegel and historiología . In Complete Works (Volume IV). Madrid: Taurus, 2005. ISBN 84-306-0592-4
  3. ^ Dionysius, On Thucydides, 5.
  4. ^ Warren, John (1998). The past and its presenters: an introduction to issues in historiography, Hodder & Stoughton, ISBN 0-340-67934-4, pp. 67–68.
  5. ^ Khalidi, Tarif. Arabic historical thought in the classical period. Cambridge Univ Pr, 1996.
  6. ^ E. Sreedharan (2004). A Textbook of Historiography: 500 BC to AD 2000. Orient Blackswan. s. 115.