رجب ایوئدیک (کاراکتر)
رجب ایوئدیک؛ کوْمِدین شاهان گؤک‌باکارین جانلاندیردیغی قوْندارما بیر کاراکتِردیر. کاراکترین حیکایه‌سی٬ «دیقّت٬ شاهان چیخا بیلر» پروقرامین یؤنتمنی و یازارلاریندان آلپئر مئستچی‌نین میلّیّت قزئتینده٬ میرت کۆنجونده یازدیغی رجب گؤنگؤر آدلی قوْندارما کاراکتره دایانیر. رجب ایوئدیک آدی ایله ایلک دفعه٬ TV8ده٬ «دیقّت شاهان چیخا بیلر» پروقرامیندا٬ پنجره اؤنونده پیوه ایچن آدام اوْلاراق سئییرچی قارشی‌سینا چیخمیش‌دیر. اۆست قات قوْنوسو اوْلان حلیمه خانیم ایله یاشادیق‌لاری ایله قوْندارما خبرلره قوْنو اوْلان رجب ایوئدیک٬ اؤز دئییمی ایله خۆشونت‌لی٬ تضادلی؛ آنجاق اؤزونده ده اؤزو کیمی ایطاعت‌لی بیر اینسان‌دیر. پیوه ایچمگی چوْخ سئون رجب ایوئدیک٬ عئینی پروقرام‌دا٬ «کیم ۵۰۰ مین ایسته‌میز کی؟» آدلی قوْندارما یاریشما پروقرامینا قاتیلمیش و یاریشما سوْنوندا بؤیوک اؤدول اوْلان ۵۰۰ مین تۆرک لیره‌نی آلماغا حاق قازانمیش آنجاق پۇلا اؤنم وئرمه‌یَن بیری اوْلدونو سؤیله‌یه‌رک بؤ اؤدولو آلماقدان وازگئچمیش اوْنون یئرینه یاریشمانین سِروِرینه «بۇراداکی هرکسه مندن پیوه» امرینی دئمیش‌دیر. بۇ حرکتی ایله سئییرچی‌لرین کؤنلونو فتح ائدن رجب ایوئدیک٬ NTVده‌کی «کیمه دئییرم من» پروقرامیندا آسئنانین سئوگیلی‌سی اوْلدوغو ایدّیعا ائدیلن شخص اوْلاراق قارشیمیزا چیخمیش‌دیر. آیریجا ۲۱ فِوریه ۲۰۰۸ده گؤستریمه گیرن و اؤز آدینی داشیان فیلمین آنا کاراکتری‌دیر.
اصالتاً قارصلی‌دیر. پئشه‌سی شۆشه‌نین اؤنونده اوْتورماق اوْلان رجب ایوئدیک٬ داغیناق قارا ساچلاری٬ دؤرد آیدان چوْخ گئیمه‌دیگی نارینجی کؤینَگی٬ آغزینداکی سیگار کۆلو و چیگنین‌ده‌کی سیگار کۆللری ایله دیقّت چکیجی بیر کاراکتر اوْلاراق خاطیرلاردا قالیب‌دیر.
قایناقلار
دَییشدیرآنادوْلو تۆرکجه‌سی ویکی‌پدیاسی‌نین ایشلدنلری طرفیندن یارانمیش«Recep İvedik (karakter)»، مقاله‌سیندن گؤتورولوبدور. ( تاریخینده یوْخلانیلیبدیر).