سارا جوان

سارا جوان ایران آذربایجان خلخال لی چاغداش تورکجه و فارسجا یازان شاعیر

سارا جوان
آد	سارا جوان
قیسا بیلگی	شاعير
دوْغوم تاریخ	۱۳۵۴ گونش ایلی خلخال اردبیل
میللیت	ايران
تحصیل	کارشـناسی ادبیات

یاشاییش

سارا جوان ۱۳۵۴ گونش ایلی خلخال شهرینده دونیایا گؤز آچمیشدیر.

عایله‌لرینده اؤزون دن سونرا ۳ شاعر وار. آتاس،قارداشی و باجیسی. ساراخانم ایکی دیل ده یعنی فارسجا و تورکجه شعر یازیر.

۱۳۷۹ دن جدیتیلن یازماغی باشلاییر ایلکینده تورکجه دیلینده کی ناغیل لاری فارسجا دیلینه چئویریر و سونرا شعر یازیر.

اثرلری و کتابلاری

• کیتابلار:

دلتنگی‌های سارا

پاییز ترین روز بهار

ماه در آینه

و سارای شعر توپلوسو تورکجه دیلینده ، مجوز نوبتینده

---

• مشترک کیتابلار :

خوابگردها ۲ جلد

فرزند ایران

طلایه داران غزل معاصر ایران

به وقت صفر

یک کوچه بی چراغ

زیباترین ترانه هستی

قصه ی زیباتر از بازگشت بهار است

---

---

اثرلریندن اؤرنک

چرخ فلکدن نه یازیم، ترسینه فیرلاندی منه

دونن کی دن‌سیز جوجه‌لر ایندی خوروزلاندی منه

باختیما یوخدو اعتبار، دؤندو دوغوم گوندن اوزو

یازدا آخان شلاله‌لر گؤر نئجه بوزلاندی منه

قالدی اورک‌ده حسرتیم سولدو جوانلیغین باغی

آجی آجی سوغانلاریم سویولدو دوغراندی منه

شاخدا ووران قول قانادیم اؤز قوجاغیمدا قیزدیلار

کهنه پالازلار پاراسی کورسوده یورغاندی منه

آغ گونه حسرت اولمایان هاردا قانار مصیبتی!

سؤنموش اجاقلارین کؤزو، شورباسی بوغلاندی منه

کیمسه دئییب بو بوش سؤزو آخار سولار‌ تاپار یولون

خان ننه‌مین یاغ چاناغی سفره دا فنجاندی منه

هر کیمه بیر یار یاراشار یارسیز اولان تئز قوجالار

شانسیما باخ شانسیما باخ پینتی‌ده قیرجاندی منه

سئللر آپاردی سارانی، قالدی سؤزو آشیقلارا

سینما اورک‌، آغلاما گؤز، گور نئجه دوراندی منه

---

قوجالیرام یاواش یاواش تالان عمروم باشا چاتیر

اوز سارالیر، ساچ آغاریر، گؤزلر باتیر قاشا چاتیر

گولوش اوچور دوداغیمدان، غم اوره‌یه قوشا چاتیر

آجی دامیر داماغیما، گؤزلریمده یاشا چاتیر

ازل گوندن ترسه دؤندو، بیرجه گونوم آغ اولمادی

چوخ گول اَکدیم باغچالاردا، باغبان اولدوم، باغ اولمادی!

دام دووارا دایانمیشام، کیمسه منه داغ اولمادی

چوپ کیمی یئلده اوچورام ال آتیرام بوشا چاتیر

آشیق چالیر، ساز اویناییر، آغزیندا آواز اویناییر

بولوت گلیر یاغیش یاغیر، قیشا دؤنن یاز اویناییر

دونیا آتیر اؤز تاسینی یوزلر قماباز اویناییر

گورشاد دوشور یاشا یاشا کدر جوشا جوشا چاتیر

دانیشمادیم دانیشمادیم آغزیمداکی دیل چورودو

یاغما‌ یاغیش گؤزلریمه، خاطیریمی سئل بورودو

سارا دا اؤز جنازه‌سین، ماهینیلار ایچره سورودو

سئللر یاتیر، آرزو باتیر، چای دیبینده داشا چاتیر

---

قایناق

• سارا جـوان اینستاگرام صفحه سی

• وبسایت صیانت شعر Archived 2021-07-09 at the Wayback Machine.

شابلون:تورک ادبیاتی {آذربایجان تورکجه‌سی‌نین ادبیاتی}}