سۆبکری دؤولتی (لاتین الیفباسی ایله: Sübkəri Dövləti، عربجه: الدولة السبکریة، اینگیلیسجه: Subkari Sultanate ، فارسجا: دولت سبکری) هیجری ۲۸۹-جو ایلدن ۲۹۹-جو ایللری آراسیندا فارس، عجم عیراقی، ایصفاهان و کیرمان بؤلگه‌لرینده قۇرولان تۆرک دؤولتی دیر. بو دؤولت ایسلامدان سونرا ایندیکی ایران اؤلکه‌سی سینیرلاریندا حؤکم سورن ایلک تۆرک دؤولتی‌دیر و گله‌جکده قۇرولان تۆرک دؤولتلری اۆچون بیر باشلانیش ساییلیر.

سوبکری دؤولتی

۲۸۹-جو ه.ق — ۲۹۹-جو ه.ق



باشکند شیراز
دیل(لر) تۆرکجه، عربجه و فارسجا
دین ایسلام
امیرلیک
 - ۲۸۹-۲۹۹ ه.ق ایل سوبکری

بو دؤولتین قوروجوسو سوبکری آدیندا بیر تۆرک ژنرال ایمیش. سوبکری ۲۵۶-جی ه.ق ایلده یعقوب لیثین سیستانا یۆروشوندن و تورک قیرغینیندان دیری قالیب، توتساق اولانلاردان‌دیر.[۱] سوبکری و سیستان تۆرکلرینین خلجلردن اولماقلاری تاریخ یازیلارینا دایاناراق احتماللی دیر. ایصطخرینین المسالک و الممالک کیتابیندا خلجلره گؤره بئله یازیلیب‌دیر: "خلج، تۆرکلردن بیر نؤوع‌دور و کئچمیشدن بو توپراغا دۆشوبلر. هیندوستان ایله سیستان آراسیندا اوتراق ائدیبلر. تۆرک یاشاییشیندا و گئییمینده‌ دیرلر و تۆرک دیلینده دانیشارلار."[۲] خلجلرله بیر چاغدا سیستانین دوْغوسوندا قارلۇق، کۆنجک و لاچین تۆرکلری یاشارمیشلار.

صفاریلر بۇیوروغو آلتیندا دَییشدیر

سوبکری تۇتساقلیغیندان سونرا، اؤزوندن گؤرستدیگی باشاریجیق اۆچون قیسا چاغدا صفاریلر آراسیندا اعتیبار قازانیب، آز ایل کئچندن سونرا یعقوب لیث طرفیندن شیراز والی‌لیگینه سئچیلدی. یعقوب لیثین ۲۶۵-جی ایلده اؤلمه‌سیندن سونرا، سوبکری‌نین ۶ ایلده تۇتساقلیقدان والی‌لیگه یئتیشمه‌سی بیلینیر.

صفاریلردن آیریلماق دَییشدیر

گۆندن گۆنه سوبکری‌نین گۆجو صفاریلر آراسیندا چوخالیب، فارس، عجم عیراقی و کیرمان والی‌لیگینده اولاراق صفاریلره داها مالیات گؤندرمه‌ییب و بۇ ایشله اؤز موختارلیغینی بیلدیردی و بئله لیلکه باغیمسیز سوبکری دؤولتینی قوردو.

بیر ده باخ دَییشدیر

سوبکری

قایناقلار دَییشدیر

سید حیدر بیات (۳۰ مهر ۱۳۹۲). دولت سبکری نخستین حکومت ترکان در ایران پس از اسلام (فارسجا). یوخلانیلیب ۲۷ آبان ۱۳۹۴.

  1. ^ تاریخ سیستان، ص ۲۱۹
  2. ^ ترجمه مسالک و ممالک اصطخری ص ۱۹۶