سولطان حسین بایقارا

حسین ابن بایقارا ابن عمرشیخ ابن تیمور، ٨٤٢-نجی هیجری ایلین محرّم آییندا هرات شهرینده آنادان اوْلوب، ١٤٦٩-نجی میلادی ایلدن ١٥٠٦-نجی ایله‌جه خوراسان ایله اوْرتا آسیا دا خانلیق ائدیب‌دیر. حسین بایقارانین خانلیق چاغیندا هرات شهری صنعت، بیلیم و شعرده گۆجلی بیر مرکزه دؤندی. حسین بایقارا شعر و ادبیات‌لا تانیشلیغی وار ایدی. اوْندان تۆرک ایله فارس دیللرینده شعر دیوانێ قالیبدیر. سۇلطان حسین بایقارانین تۆرک ادبیاتینین گۆجلنمه‌سی اۆچۆن چالیشمالاری، اوْ چاغدا بؤیۆک تۆرک شاعیرلر ایله یازیچیلارین ظهور ائتمه‌سینه سبب اولدی.

سۇلطان حسین بایقارا، کمال الدین بهزادین اثری

بایقارا شعریندن اؤرنک

• وه کی کؤنگلوم ناله‌سی هردم بوْزولغان جان آرا ... گوییا بیر چغز ائرۆر فریاد ائتر ویران آرا

حُقّه‌یی لعلینگ آراسیندا ائرۆرمۆ دۇر تیشینگ ... یا ائرۆر اوْل ژاله کیم بوْلغان گۆلی خندان آرا

• فۇرقتینگ‌دن یوْق ایدی جیسمیم‌ده جان، جانیمدا تاب ... گؤزده خون‌آب ایردی و غمگین کؤنگۆل‌ده پیچ و تاب

نه دمی درد و غمینگ‌دن بار ایدی آرام و صبر ... نه زمانی داغی هجرینگ‌دن بار ایدی خۇرد و خواب

قایناقلار

• باقی سطرلر، جمالینگ‌دن کؤزۆم روشن، سوییمه غنیئوا