سیمون بولیوار
سیمون خوسه آنتونیو د لا سانتیسیما ترینیداد بولیوار ای پالاسیوس پونته‌ای بلانکو (ایسپانجا: Simón José Antonio de la Santísima Trinidad Bolívar Palacios Ponte y Blanco) – داها چوْخ سیمون بولیوار کیمی تانینیر. بیرده ال لیبرتادور و یا لیبراتور اوْلاراق آدلاندیریلیر. اوْ، ونزوئلانین، بولیوینین، کولومبیانین، اکوادورون، پرونون و پانامانین ایسپانیا ایمپیراتورلوغوندان آیریلماسینا سبب اوْلان حرکاتین ساواش و سیاسی رهبری اوْلموشدور.
Simón Bolívar | |
|---|---|
 1895 painting portraying Simón Bolívar | |
| 1st President of بؤیوک کولومبیا جومهوریتی | |
| ایشده 24 February 1819 – 4 May 1830 | |
| Vice President | Francisco de Paula Santander |
| قاباقکی | Office established |
| سونراکی | Domingo Caycedo |
| 1st President of Bolivia | |
| ایشده 12 August 1825 – 29 December 1825 | |
| قاباقکی | Office established |
| سونراکی | Antonio José de Sucre |
| 6th President of Peru | |
| ایشده 10 February 1824 – 28 January 1827 | |
| قاباقکی | José Bernardo de Tagle, Marquis of Torre-Tagle |
| سونراکی | Andrés de Santa Cruz |
| President of the Third Republic of Venezuela | |
| ایشده October 1817 – 24 February 1819 | |
| قاباقکی | Himself |
| سونراکی | José Antonio Páez (President of Venezuela) |
| President of the Second Republic of Venezuela | |
| ایشده 1813 – 16 July 1814 | |
| قاباقکی | Francisco de Miranda (As President of the First Republic of Venezuela) |
| سونراکی | Himself |
| شخصی بیلگیلر | |
| دوغوم | ۲۴ ژوئیهٔ ۱۷۸۳ Caracas, Captaincy General of Venezuela (Kingdom of Venezuela), ایسپانیا ایمپیراتورلوغو |
| اؤلوم | ۱۷ دسامبر ۱۸۳۰ (۴۷ یاش) Santa Marta, بؤیوک کولومبیا جومهوریتی (today located in کولومبیا) |
| اؤلوم سببی | Tuberculosis |
| ایستراحت یئری | National Pantheon of Venezuela |
| میلیت | ایسپانیا ایمپیراتورلوغو (until 1810) بؤیوک کولومبیا جومهوریتی (1810-1830) ونزوئلا (1813-1819) |
| حیات یولداشلاری | María Teresa Rodríguez del Toro y Alaysa (ائولی ۱۸۰۲–۱۸۰۳) |
| داخیلی طرفداشی | Doña Manuela Sáenz y Aizpuru |
| والئدینی | Juan Vicente Bolívar María de la Concepción de Jesús Leocadia Palacios y Blanco |
| ایمضاسی |  |
بولیوار وارلی، آریستوکرات عائیله‌سی اوْلان کریوللو عائیله‌سینده آنادان اوْلموشدور. بۆتون یۇخاری طبقه عائیله‌لرینین اؤولادلاری کیمی ۱۶ یاشیندا تحصیل آلماق اۆچون خاریجه گؤندریلمیشدیر. ایلک اؤنجه ایسپانیایا گلمیش و سوْنرا بۇرادان فرانسه یه کئچمیشدیر. اوروپادا اوْلارکن معاریفلنمه دؤورونون ایدّعالاریندان تاثیرلنمیش و بۇ ایدّعالار اوْندا جنوبی آمریکاداکی ایسپانیا حاکیمیتینه سوْن قویماق ایسته‌یینین یارانماسینا سبب اوْلموشدور. ایسپانیانین یاریم‌دا ساواشی ایله مشغول اوْلماسینا گؤره ، بولیوار ۱۸۰۸-جی ایلده اؤزگورلوک اۇغروندا مۆباریزه‌یه باشلادی. ۱۸۱۹-جو ایلین ۷ آگوستوندا باش وئرمیش بویاکا دؤیوشونده اَلده ائدیلن غلبه ایله یئنی قرانادانین مۆستقیللیگینه دۇغرو داها بیر آددیم آتیلدی. سوْنراکی ۳ ایل عرضینده بولیوار ملی کوْنقره‌سی فوْرمالاشدیردی. گؤزلنیلمدن حرکاتا مانع اوْلماق اۆچون گلن بؤیوک ایسپان‌لار سفری کیمی مۆختلیف اَنگللره باخمایاراق، اینقیلابچیلار غالیب گلدیلر. ۱۸۲۱-جی ایلده باش وئرمیش کارابوبو دؤیوشونده اینقیلابچیلارین غلبه قازانمالاری ایله ونزوئلا دئمک اوْلار کی، مۆستقیل اؤلکه اوْلدو.
ایسپانیا اۆزرینده‌کی بۇ غلبه‌نین آردیندان بولیوار لاتین آمریکانین مۆستقیل میللتلرینین ایلک بیرلیگی اوْلان بؤیوک کولومبیا جومهوریتینین (ایسپانجا: Gran Colombia) اساسینی قوْیدو. اوْ، بۇ قۇرومون ۱۸۱۹-جو ایلدن ۱۸۳۹-جو ایله قدر باشکانی اوْلموشدور.
سوْنراکی ساواش عملیّاتلارلا بولیوار اکوادورداکی، پروداکی و بولیویداکی ایسپانیا حاکیملرینی مغلوب ائتدی. اوْ، بؤیوک کولومبیا جومهوریتینین (ایندیکی ونزوئلا، کولومبیا، پاناما و اکوادور)، پرونون و بولیوینین باشکانی ایدی. لاکین قیسا مدت سوْنرا بولیوار سرکرده‌سی اوْلان انتونیو خوزه فرانسیسکو دسوکره نی بولیوی باشکانی تعیین ائتدی. بولیوار تکجه ایسپانیا و مقدس ایتتیفاقین دئییل، بیرده گئتدیکجه گۆجلنن آمریکا بیرلشمیش ایالتلری-ین دا گلجکده اوْلا بیلجک هۆجوملارینی دف ائده بیلجک و بۆتون ایسپانیا آمریکا قاره‌سینی بیرلشدیرن گۆجلو دؤولت قورماق ایستییردی. اؤز قۆدرتینین پیک نقطه‌سینده بولیوار آرژانتیندان کارائیپ دنیزینه قدر اۇزانان چوْخ بؤیوک بیر بؤلگه‌نی ایداره ائدیردی.
بولیوار بۆتون شخصی وار-دؤولتینی اینقیلاب اۆچون خرجله‌میشدیر. اینقیلاب باشلایارکن لاتین آمریکانین اَن وارلی شخصلریندن اوْلان بولیوار حیاتینین سوْن دؤورلرینی کاسیبلیق ایچینده یاشاییشیشدیر.
حیاتینین ائرکن دؤورو
دَییشدیراوشاقلیغی
دَییشدیرسیمون بولیوار ونزوئلانین کاراکاس شهرینده ۲۴ جۇلای ۱۷۸۳-جو ایلده آنادان اوْلموشدور.