شئشپر-شئشپر(اویون)
شئشپر-شئشپر - آذربایجاندا اساساً یازقاباغی، بایرام‌قاباغی گونلرده اساساً اوشاق و گنجلر آراسیندا گئنیش شکیلده اوینانیلان قدیم اویونلاردان بیری.
عومومی معلومات
دَییشدیرشئشپر-شئشپر یازین اوّللرینده و پاییزدا کئچیریلن اوشاق اویونلارینداندیر. بو اویون بعضی یئرلرد، اساساً ده باکی کندلرینده "شئشپر-شئشپر" ،بعضی یئرلرده "شوُماقدر" ،بعضی یئرلرده "شاپپوُ" ،بعضی یئرلرده ایسه "هادار-هادار" آدلانیر. اویون اوشاقلاری چئویکلیگه آلیشدیریر و اونلاردا گوج یارادیر. بو اویون بلکه ده حربی مشق مقصدیله یارانمیش، سونرا اوشاق اوینونا چئوریلمیشدیر.
اویونون قایدالاری
دَییشدیراویوندا بیر نئچه نفر ایشتیراک ائدیر. هر اویونچو اؤزو ایله 50-60 س‌م اوزونلوغوندا اوجلاری یونولموش چوخلو آغاج گتیریر. بو آغاجلارا شئشپر دئییلیر. بؤیوک دایره چکیلیر. اویونا ایلک باشلایان اویونچو پوشک یولو ایله موعیّنلشدیریلیر.
اویونچو آغاجلارین بیرینی وار گوجو ایله دایره‌‌نین اورتاسیندا یئره وورور. آغاج یئره باتمالیدیر، نه قدر درینه باتسا بیر او قدر یاخشیدیر. اونون آرخاسینجا او بیری اویونچولار عئینی قایدا ایله آغاجلارینی بیر-بیر همین آغاجین یا‌نینا وورورلار. سونراکی اویونچولار آغاجلارینی یئره ضعیف باتان آغاجین دیبینه باستیرماغا چالیشیرلار. اساس مقصد رقیب اویونچولارین آغاجلارینی یئردن چیخارماقلا اؤز آغاجینی یئره برک باستیرماقدیر. شئشپری ییخیلمیش اویونچو اودوزموش اولور. بو واخت او، احتیاط آغاجلارینی - شئشپرلرینی ایشه سالیر. احتیاطدا اولان آغاجلار قورتارانادک اویون داوام ائدیر.