صحابه
صحابه یا دا صحابیلر (تۆرکجه: دوْستلار٬ آرخاداشلار) — ایسلام پئیغمبرینی گؤرنلر٬ سؤزلرینی ائشیدنلر و اوْنون زامانیندا ایسلام گتیرن کیشیلر (یالنیز شکیلده: صحابی). قادین صحابیلره «صحابیات» دئییلیر.
صحابه اوچ دستهیه بؤلونور: موهاجیرلر٬ انصار و مکّه فتحیندن سوْنرا مۆسلمان اوْلانلار. مۆهاجیرلر مکّهده ایسلام گتیریب پئیغمبرله مدینهیه کؤچنلره دئییلیر. انصار٬ پئیغمبرله مۆهاجیرلره مدینهده یئر وئرن و ایسلام گتیرنلره دئییلیر؛ بۇنلار ایکی اساس اووس و خزرج قبیلهلرینه بؤلونور. البته سلمان فارسی کیمی صحابه بۇ اۆچ دستهده دئییللر.
شیعه باخیشی دَییشدیر
شیعه باخیشیندا بیر شخصین صحابی اوْلدوغو اوْنا خاص بیر اۆستونلوک قازاندیرماییر. شیعهلر صحابینین فضیلتینی پئیغمبر زامانیندا و اوْندان سوْنرا گؤردوگو ایشلر٬ دۆشونجهلر و نیّتلرینه باغلی بیلیرلر. بۇنا گؤره انصارین چوْخونو٬ پئیغمبردن سوْنرا ایمام علی (ع) حاقّینی غصب ائتدیکلرینه گؤره٬ دۆز یوْلدان آزمیش ساییرلار.
اهل-سۆنّت باخیشی دَییشدیر
اهل-سۆنّت پئیغمبرین صحابیلرینین هامیسینا اعتیبار وئریب٬ اوْنلارین نقل ائتدیگی حدیثلری و سؤزلری دوْغرو بیلهرک اوْنا عمل ائدیرلر. هابئله اوْنلارین هر یئرده ایسلاما اۇیغون حرکت ائتدیکلرینی دۆشونمهدیکلری کیمی٬ ثاواب آپاردیقلارینا اینانیرلار.