آنامِنونو آچ
عائیله

عایله (عائله، عاییله، عائیله) و یا ائو-اوجاق سؤزجۆکلرینی، آرالاریندا قوهوملوق موناسیبتی اوْلان اینسانلار اۆچۆن ایشلدیلیر.

عائیلهدَییشدیر

بیر عائیله سوسیولوژیا (جامعه) باخیمیندان ائولنمک یا دا قوهوملوق خطی ایله گلن بیر حیات بیرلیگی‌دیر. عائیله سؤزو، غربی میللتلرده اکثریتله آنا-آتا و اوشاقلار آنلاییشینی وئریر. شرق خالقلاریندا عائیله داها چوْخ عئینی ائوده یاشایان یا دا عئینی نسیلدن گلن اینسانلارین جمعینه دئییلیر. بیولوژیده عائیله سؤزو بیر بیرلرینه قوهوملوق درجه‌سی باخیمین‌دان بیر قروپدا بیرلشن حئیوانلار یا دا نباتات اوچون ایشلدیلیر.

سؤزون منشأیدَییشدیر

عائله سؤزونون اصلی عربجهدن گلن عائله سؤزون‌دن گلیر. بۇ سؤز عربجه‌ده دایانماق معناسیندا اوْلان عول کؤکون‌دن گئلیر. بیر بیرلرینه دایانان، اعتیماد ائدن اینسانلار اوچون ایشلدیلیر. عائله سؤزو مشترک خصوصیتلری اوْلان علمی، تئکنیکی و سوسیال قروپلار اوچون ده ایشلدیلیر. مثال اوچون بیر ایستحصالچینین بیر محصول خطین‌دکی محصوللارا او ایستحصالچینین محصول عایله‌سی ده دئییله بیلر. تۆرکجه‌ده ائو-اوْجاق ایکی بؤلۆمدن اوْلۇشۇب فارسجایا اجاق دۇرۇمۇندا و اوْرتا آسیادا اوْت باشی ٫ اوْجاق کیمی دۇرۇموندا ایشلنیبدیر. ائو سؤزجۆگۆ عاییله اۆچۆن ایشلنیبدیر. اؤرنک اۆچۆن ائولنمک ائیلمینی چکمک اوْلار.

عائله‌نین وظیفه‌لریدَییشدیر

عائله‌نین بیولوژیا و سوسیولوژیا علملری باره‌سینده چوْخ مهم وظیفه‌لری واردیر: «اینسان» نؤوعون اؤزونو یئنی‌دن حاصیل ائتمه‌سی اوچون عائله موسیسه‌سینه احتیاجینین اولماسی ایختیلافلی‌دیر. آنجاق بیر عائیله‌نین تشکول اولماسی اوچون بیولوژیا باخیمیندان قادینین محصولدارلیغی و کیشی‌نین دؤللنمه گوجونون اولماسی لازیمدیر. ائولی بیر قادین-کیشی جوتونون اوشاقلاری اولمایاندا اجنبی بیر اوشاغینی اؤولادلیغا گؤتورمه‌سی بونون ایستیثناسی‌دیر. عائله‌نین خصوصیتلری نئچه نسیللرین بیر یئرده یاشادیغینا گؤره ده فرقلنیر. اونا گؤره چوْخ نسیللی ائو حیاتی یا چوْخ نسیللی عایله‌دن سؤز گئدیر. اؤزونو یئنیدن حاصیل ائتمک، نسیللرین حیات وئره‌رک ساخلانماسی وظیفه‌سی اوچوندور. بۇ باره‌ده عائله‌نین باغلاری بیر جمعیتی‌نین ساخلانماسی و چوْخالماسی اوچون چوْخ مهمدور. مۆعاصیر جمعیتلرده عائله‌نین سیاسی، دینی، ایقتیصادی و تعلیم له علاقه‌لی وظیفه‌لر قیسمن باشقا ایجتیماعی موسیسه‌لره (دؤولت حاکمیتلری، سیغورتا موسیسه‌لری، تحصیل موسیسه‌لری، ایدمان جمعیتلری کیمی) آپاریلار و عائله‌نین گوندلیگینده اهمیتینی ایتیرر.

ترمینولوژیادَییشدیر

اینسانلاردا گؤرولن موختلیف عائله شکیللری واردیر. بونلاردان آتانین سؤزونون کئچدیگی عائله‌لره آتاشاه عیله، آنانین سؤزونون کئچدیگی عائله‌لره ده آنا شاه عایله دئیی‌لر.[۱]

آیریجا باخدَییشدیر

ائشیک باغلانتی‌سیدَییشدیر


قایناقلاردَییشدیر

  1. ویکی‌پدیا