عاصم اردبیلی یا دا صالیح عاصیم کفّاش، پرویز کیمی تانینان، و شعیرده عاصیم تخلّوص ائدن آذربایجان شاعیرلریندن‌دیر کی، اردبیل شهرینده آنادان اولوب و آذربایجان تورکجه‌سینده شعیرلر یازیب.

دوغوم: 13/دی/1320

اؤلوم: 15/اردیبهشت/1393

عاصم اردبیللی‌نین ایکینجی اوغلونون وصفینده یازدیغی شعیردن ایکی بیت نومونه اوچون:

منه بير داغ دادين‌، اسفند آيی، داديردی فلك

تا بيلم سينه‌ی زينب ده كی آمار نه دير

شاعیرین یاشایش‌ننان بیر مستند فیلم اردبیل‌ده جوررانیپدیر.

چاپ اولونموش آثار دَییشدیر

  • دیوان اشعار عاصم اردبیلی[۱]
  • قانلی سحر 1373
  • يارالی دورنا1377
  • نيسگيللي گولوشلر1382
  • سوزلو گوزلر 1388

آغلامازدیم زامان آغلاتدی منی

دوز یولوندان آزان آغلاتدی منی

گوردوم حسرتدی همالر سوموگه

ایشله ییر شاخدا سوموکدن ایلیگه

دوزوموزده اییلیر ایری لیگه

قالدی قانماز قانان آغلاتدی منی

آغلامازدیم زامان آغلاتدی منی

تک صبیر گلدی دئدیم ایش دوزه لر

قار گئدر، بوز ارییر یازدا گلر

نه بیلیم یازدا بوران باغری ده لر

یوخاچیخمیش گومان آغلاتدی منی

آغلامازدیم زامان آغلاتدی منی

دئدیلر بیر گون اولار ساز حالیمیز

قیتدیق اولسا واریمیز یاغ بالیمیز

ایندی کی اون تک اولوب ساققالیمیز

بو یالان سوز یامان آغلاتدی منی

آغلامازدیم زامان آغلاتدی منی

ظن ائدیردیم آغیر اولسا یارالار

یارالار آغریسین آنجاق یار آلار

نه بیلیدیم اوره گی یار یارالار

بیلمه مز لیکدی، قان آغلاتدی منی

آغلامازدیم زامان آغلاتدی منی

اره لر توشدو که جنگل جانینا

تولکی لر تور توخودو اصلانینا

طرلانی اووچی باتیر جاق قانینا

اوخدان آرتیق کامان آغلاتدی منی

آغلامازدیم زامان آغلاتدی منی

اری مز قالدی بیینده بوزوموز

گویده سایریشمادی بخت اولدوزوموز

نه قویون قالدی نه املیک قوزوموز

قوردا بنذر چوبان آغلاتدی منی

آغلامازدیم زامان آغلاتدی منی

من دئدیم باغلاسا یادلار قولومو

دایاقیم وار قورییا ساغ سولومو

قوپدی بیر چن که ایتیردیم یولومو

داغا باخدیم دومان آغلاتدی منی

آغلامازدیم زامان آغلاتدی منی

وای بیزه اولدی پوزولماز یازیمیز

مضراب اود توتدی قیریلدی سازیمیز

قالدی قیشلانمادا عاصم یازیمیز

یازی گول سوز یازان آغلاتدی منی

آغلامازدیم زامان آغلاتدی منی

قانلی زمانی زمان دَییشدیر

قایناقلار دَییشدیر

  1. ^ ایران ملّی کیتابخاناسی. آرشیولنیب اصلی نۆسخه‌دن on 2021-10-18. یوْخلانیلیب2021-10-18.