عالیم قاسیموو

عالیم قاسموف یا دا عاليم حمزه اوغلو قاسيموو (لاتین: Alim Həmzə oğlu Qasımov) مین دوققوز یوز اللی یئددینجی ايلده قوبوستان رايونونون نابور کندينده آنادان اوْلوب. آتا آناسی اونون موسيقي يه و مخصوصا موغاما قارشي اوْلان ایستعدادی اوشاقليقدان بيليبلر، آنجاق اونا موسيقي تحصيلي وئرمه‌يه ايمکانلاري يوخ ايدي. اللريندن بير تک شئي گليردي، ناغارا دوزلتمک اۆچون، آتاسي بير کئچي کسميشدي. بۇ ناغارا، عاليمين بيرينجي موسيقي آلتييدي و بونونلا بيرليکده او، گؤزل و هاميدان فرقلنن سسه یییه ايدي. داها سوْنرا او، باکیدا موغام مکتبينين ان تانينميش و ايستعدادلي موعليملريندن درس آلميشدي. 25 ياشيندا عاليم، یاشاییشینده بيرينجي موغام موسابقه‌سینده باشاری قازانميشدير. او واختلاردا او، موغام صنعتينين، خوصوصيله ده "تاراب" ژانرينين آراشديرمالارييلا مشغول اولوردو. 1989-جو ايلدن عاليم قاسيموف منصوروف قارداشلارييلا چيخيش ائلمه‌يه باشلاميش، تار چالان جامال و کامانچا چالان ائلشن ايله. آرادا عاليم قاسيموف اؤزو ده ناغارا چالير. سون زامانلاردا جمعی دوققوز آلبومو چيخاردان عاليم قاسيموو هر بير موسيقي صنعتکارينين نايل اولماغا چاليشديغي جایزه یه لاييق گؤرولموشدور. محض 1999-جو ايلده او، میلتلر آراسی آی ام جی یونسکو موسيقي جایزه‌سینی آلميشدير. موغام صنعتيني فرانسه ، اينگيلیس، آلمان، بلژیک، ايسپانيا، برازیل، هونگ کونگ، ژاپون، ايران و آمئريکا بيرلشميش ایالتلری کيمي اؤلکه‌لرده کونسئرتلرله چيخيش ائدن صنعتچي، بوتون دونيايا آذربايجان موغام صنعتيني تانيداراق، آذربايجان مدنيتينين دونيايا ياييلماسي اۆچون بؤيوک بير رول اوينايير. عاليم قاسيموف فرقلي نوميناسييايا لاييق گؤرولوب. قاسيموف آمریکانین جورج تاون بیلیم یوردو و مرکزي اوردون دا يئرلشن استراتژی آراشديرمالار مرکزينين کئچيرديگي موسابيقه‌ده "دونيانين ان نوفوذلو 500 موسلماني" آراسيندا 4 آذربايجانليدان بيری اوْلوب.

Alim Qasimov
Alim Qasimov performing at Eurovision Song Contest 2012
عومومی معلوماتلار
دوْغوم آدی	Alim Həmzə oğlu Qasımov
دوْغوم	۱۴ اوت ۱۹۵۷ ‏(۶۷ یاش) Nabur, Shamakhi, آذربایجان شوروی سوسیالیست جومهوریتی
کؤک	Shamakhi, آذربایجان جومهوریتی
ژانرلار	موغام
پئشه(لر)	Musician
ساز(لار)	Singing, قاوال
چالیشما ایللری	1977–present
علاقه‌لر	Farghana Qasimova, Hajibaba Huseynov, آغاخان عابدوللایئو, آی گون کاظیم اوا

عالیم قاسیموف