عشقعلی
عشقعلی تُحفه ای ، قیساجا عشقعلی ۱۳۰۹جو ایلده قاراداغ بؤلگه سی نین ورزقانیندا آنادان اولدو و ۱۳۹۴ قیشی نین بیرینجی آییندا ، سَکسَن بئش یاشیندا تبریزده دونیادان کؤچدو. عشقعلی ۱۳۳۵جی ایلده تبریزین ایدمان تشکیلاتی‌نین ساغلاملیق بؤلومونده (تربیت بدنی ایداره سی) ایشه باشلاییب و ۱۳۷۲جی ایلده خیدمتی نین سونا چاتماغینا گؤره ایشدن آیریلدی.
عشقعلی تابوت گتیر دَییشدیر
عشقعلی فوتبال تیملری تاماشاچیلاری، مخصوصا تیراختور یانداشلاری نین "عشقعلی تابوت گتیر، ائششک اؤلوب تئز گتیر" شوعارینا گؤره آدلانمیشدیر. تیراختورچولار بو شوعاری، رقیب تیم اویونچولاری واخت کورلایاندا، یئره اوزانیب اؤزلرینی مصدومیته ووراندا، دئییرلر. عشقعلی تبریزده باغ‌شومال ایستادیوموندا فوتبال موسابقه‌لرینده مئیدان قیراغیندا، ان قدیم برانکارد آپاران اولوبدور. عشقعلی یه گؤره بیر موستند فیلم ده یاراتمیشلار.