علیرضا نابدل
علیرضا نابدل متخلص به اوختای (۱۳۲۳، تبریز – ۱۳۵۰، تهران) ایران آذربایجانی‌نین چاغداش شاعیری.
شعرلریندن ایکی نومونه
دَییشدیربیرینجی شعر:
چال عاشيق سازيني، اورگيم دولوب
بعضا اينسان اۆچون درمان بۇ اولور
سازين نغمه لری آخسين كؤنلومه
يوخسا چيچكلريم عطش‌دن سولور
چال عاشيق سازينی، بلكه سازيندا
اومودسوز حياتا بير اوميد تاپيم
گل عاشيق سازيندا صبردن دانيش
بلكه دؤزمك درسين آغزيندان قاپيم
بيليرسن آی عاشيق درديميز بيردير
گل گئدك سازيندا عشق‌دن دانيش
سيملرين ديلی ايله خلقی هارايلا
گل بۇ درده منله بيرليكده يانيش
گل عاشيق بۇ آخشام داغلار باشيندا
نغمه‌لر سؤيله‌يك گؤزللر اۆچون
گل عاشيق بۇ آخشام عاشيق اولانا
دئيه‌ك غم چكمه‌يين دولدوروب اۆچون
سحره‌جك چاليب، اوخوياق عاشيق!
بلكه اوركده‌كی يارا بيتيشسين
چاخيرلاشيب چالاق اوجا سس ايله
قوی عاشيق سسيميز يارا يئتيشسين
اولدوزلارلا اولاق بۇ گئجه همدم
اولكردن گل آلاق عشق الهامينی
بو گئجه چاغيراق تام عاشيقلاری
چاخيرا، چالقييا ييغاق هامينی
اينسان دردلرينی گل سازيندا چال
دؤزوملو عاشیقلاردان حكايت ائت
گل، بيزه آی عاشيق عشق درسینی وئر
اوميدسيز ساعاتدا درديميزه يئت.
ایکینجی شعر:
آچيل سحر، اويان گونش، آچيل بۇ سون نفسده
بو قارانليق قفسده
سنيله من تاپديم يئني حيات
شفقلريم ساچيلسين، چيچكلريم آچيلسين،
بو ائللره باغيشلاسين حيات.
من صوبح آچيلاركن، كئچمه‌لي‌يم توفانلاردان
ال اوزوب جاندان، بۇ ائللره، اينسانلارا
من يانماسام اگر، سن يانماسان، بيز يانماساق
هانسي آلوولار ايشيق سالار بۇ يوللارا؟
گونش دوغار، کئچر حيات، چيچك‌لنر بۇ كايينات.
آغلاما ائی گؤزليم، گول ائللر ايله بيرليكده
آزاد اول بۇ ديريليكده، شادليق ياغدير٬ غمگين ائليمه
سيل گؤزون ياشين، گول بير سن، باهار گولسون
هر بير لاله زار گولسون،
حيات وئرسين سولموش گولومه[۱].