فرات قالخانی عملیاتی
فرات قالخانی عملیّاتی و یا جرابلوس دؤیوشو - عراق شام ایسلام دؤولتینه قارشی تورکیه سیلاحلی قووّه‌لری، آزاد سوریه اوردوسو و تورکمان حربی بیرلشمه‌لرینین[۱] باشلاتدیغی حربی عملیّات دیر. 22 آقوست 2016-جی ایلده عراق شام ایسلام دؤولتی طرفیندن حیاتا کئچیریلمه‌سی دوشونولن غازی عانتپ ترور حمله‌سینه جاواب اولاراق تورکیه هاوا قووّه‌لری جرابلوس و منبیجی بومباردیمانا توتموشدور. اوسته‌لیک قارقامیشا ایکی مرکی آتیلمیشدیر. تورکیه قارقامیش ساکینلرینی بو شهری ایمکان داخیلینده بوشالتماسینی ایسته‌میشدیر. قیسا مودّتده شهر بوشالدیلمیشدیر. کؤچورولمه کؤنوللولوک اساسیندا حیاتا کئچیریلمیشدیر. 25 آقوستدا تورکیه سیلاحلی قووّه‌لری رسمیلری اله کئچیریلمیش اراضیلرین تورکیه‌یه ایلحاق ائدیلمه‌یه‌جگینی و آزاد سوریه اوردوسونا تحویل وئریله‌جگینین آچیقلاماسینی وئرمیشدیر.
.png)
عملیّات
دَییشدیر24 آقوست 2016 ساعات 04.00-ده تورکیه جومهوریتی باشباخانلیغیندان، تورکیه سیلاحلی قووّه‌لرینین ائتیلاف هاوا قووّه‌لری ایله بیرلیکده سوریه‌نین حلب بؤلگه‌سینه باغلی جرابلوس شهرینین داعشدن تمیزلنمه‌سی مقصدی ایله حربی عملیات باشلاتدیغینین آچیقلاماسینی وئرمیشدیر. بو آچیقلاما سونراسی تورکیه سیلاحلی قووّه‌لری جرابلوسو آغیر بومباردیمان آتشینه توتارکن، تورک هاوا قووّه‌لری 11 هدفی بومبالادیغینی بیان ائتمیشدیر. دؤولت رسمیلرینین معلوماتینا گؤره قیسا مودّت عرضینده 294 توپ آتشی حیاتا کئچیریلمیش و 81 حدف محو ائدیلمیشدیر. بیر ساعات سونرا تورکیه سیلاحلی قووّه‌لرینین تانکلاری فراتی کئچه‌رک آزاد سوریه اوردوسونا باغلی اولان تورکمان و عربلری بیر یئره توپلامیشدیر. آمریکا بیرلشمیش ایالتلری هاوادان عملیّاتی دستکله‌یه‌جگینی بیان ائتمیشدیر. آزاد سوریه اوردوسو کئکلیجه و کیویرجیک کندلرینی داعش دؤیوشچولریندن تمیزله‌دیگینی بیان ائتمیشدیر. ایلک معلوماتا گؤره بیرینجی توققوشمالار زامانی 46 داعش عوضوو اؤلدورولموشدور. 25 آقوستدا سوریه اراضیسینه داها 15 تانک گؤندریلدی.
قایناق‌لار
دَییشدیرتورکجه ویکی‌پدیاسی‌نین ایشلدنلری طرفیندن یارانمیش«Fərat Qalxanı Əməliyyatı»، مقاله‌سیندن گؤتورولوبدور. (025 آقوست 2016 تاریخینده یوْخلانیلیبدیر).
- ^ http://news.atv.az/az/world/37011-turkmen-ordusu-yaradildi[دائمی اولو باغلانتیلی] Türkman Ordusu yaradıldı