فیرورق

پئره و یا فیرورق، باتی آذربایجان اوستانی نین شهرلریندن بیری‌دیر. بو شهر خوی بؤلگه‌سینده یئرلشیب و خوی شهری‌ایله ۸ کیلومیتر اوزاخلیغی وار و بؤیوک باغلار ایچینده یئرلشیبدیر.

جمعیت

بو شهرین جمعیتی ۱۳۷۵ ایلینده ۸۰۵۰نفر و ۱۳۸۵ ایلینده ۱۱/۰۰۰ نفریمیش. ایندیلیکیده (۱۳۹۶ ایلینده) پئره‌نین جمعیتی ۱۵/۰۰۰ نفردن یوخاریدیر.

دیل و دین

بو شهرین اهالیسی آذربایجان تورکجه‌سی ایله دانیشیرلار و دین‌لری ایسلام دیر. پئره‌نین بوتون اهالیسی شیعه دیرلر.

یونیور سیته

پئره‌نین ، پیام نور یونیور سیته‌سی واردیر کی ۱۳۸۶ ایلیندن ایشین باشلیوب و اؤن دا ۱۲ دانا رشته تدریس اؤلونور.

گزملی و گؤرملی یئرلر

• پئره‌نین اسکی کاروانسراسی

• پئره‌نین بؤیوک و گوزل باغلاری

• سید حامامی

• یئدی طبقه باغ

• داغلار باغی

و...

آدلیم اینسانلار

• سید محمدجواد ذاکر طباطبایی

• بهروز وثوقی

• آتش تقی‌پور

پئره‌نین وصفینده بیر شعر

الله پئره‌نی جنته بنزه‌ر، یارادیبدیر

داغلار اتگینده گوله بنزه‌ر، یارادیبدیر

درمان بولاغی ، شاه بولاغی ، بوغلی چاییندا

زمزم سویی تک جانلارا درمان یارادیبدیر

جنت یئمیشین اوردا فراوان یارادیبدیر

تاریخ و کئچمیش

پیره‌لیق تورکجه‌ده بؤیوک اینسانلار یئری اولور کی فارسجا دا فیرورقه تبدیل اولوب‌دور. بو شهرین حاکملری بیر زامانلار دمبلی‌لریمیش.

سوغات و یئملیلر

بال

گونه باخان تؤخومو

آلما

کودو تؤخومو

قالی(ایلمک)

یای میئوه لری

تاتلی و سوتلی چؤرگ