فیض‌الله میرزا قاجار
فیض‌الله میرزا قووانلی-قاجار (15 دسامبر 1872 - 1920) [۱] — قاجار شاهزاده‌سی، تزار اوردوسونون و آذربایجان دموکراتیک جومهوریتی اوردوسونون حربچیسی، ژنرال-مایور. قاجار سولاله‌سی نین واریثی.
Feyzullah Mirza Qajar Фейзулла Мирза Каджар فیض الله میرزا قاجار | |
|---|---|
 شاهزاده میرزا فیض‌الله قاجار 1905-جی ایلده. | |
| Born | ۱۵ دسامبر ۱۸۷۲ شوشا، شوشا قزاسي، يئليزاوتپول قوبرنياسي، قافقاز جانيشين‌ليگي، روسیه ایمپیراتورلوغو |
| Died | 1920 (یاش 47–48) باکی نارگین آداسی، آذربایجان سوسیالیست شوروی |
| باغلیلیق |  Russian Empire ADR |
| قوشون | سوواری |
| خیدمت ایللری | 1891—1920 |
| روتبه | ژنرال مایور |
| کوْماندانی | چچن سوواري آلايي، آدچ-اين اوردو سوواري ديويزياسي، 1-جي ديويزياسي، قافقاز يئرلي سوواري‌لر ديويزياسي نين 2-جي بريقاداسي. |
| دؤیوشلر/ساواشلار | روسیه-ژاپون ساواشی بیرینجی دونیا ساواشی |
| موکافات | موقدس گئورگی اورنی؛ موقدس آننا اوردنی ، موقدس استانیسلاوس اوردنی |
یاشاییشی دَییشدیر
شاهزاده میرزا فیض‌الله قاجار 1872-جی ایلین دسامبرین 15-ده آذربایجانین شوشا شهرینده آنادان اولوب. ایران تاخت-تاجینا یئگانه آدای اولان شفیع-خانین (قاجار) (1853-1909) (1) تک اوغلو ایدی.
عومومی تحصیلینی تیفلیس موداویم کورپوسوندا آلیب. حربی خیدمته 1891-جی ایلین آقوستون 30 نیکولایئوسک سوواری پئشه مکتبینه تحکیم اولاراق باشلاییب. پئشه مکتبینی بیتیردیکدن سونرا 1893-جو ایلین آقوسوتون 7-ای کورنت روتبه‌سینده 43-جو توئر دراقون آلایینا گؤندریلیر.
حربی حیاتی‌نین باشلانغیجی دَییشدیر
1899-جو ایلین مارسین 15-ای لئیتنانت روتبه‌سی آلیر. 1901-جی ایلین 20 نوامبریندا آلایین سیلاحدار و سیراخاریجی کوماندا رئیسی وظیفه‌سینه تعیین اولونور. 1903-جو ایلین مارسین 15-ده قرارگاه روْتمیستری روتبه‌سینی آلیر.
روس-ژاپون ساواشی دَییشدیر
روس-ژاپون ساواشی باشلادیقدان سونرا 43-جو توئر دراقون آلایی نین قرارگاه روتمیستری فیض‌الله میرزا قاجار 1904-جو ایلین مارسین سونوندا پودیئساول[۲] روتبه‌سی آلاراق پولکوونیک حسین خان ناخچیوانسکی طرفیندن یئنی فورمالاشدیریلان 2-جی داغیستان آتلی آلایینا گؤندریلیر.
آلایین ترکیبینده دؤیوش عملیات‌لاریندا، همچنین 1905-جی ایلین ژانویه‌نین 14-ده باش وئرمیش مشهور 2-جی داغیستان آتلی آلایی نین سوواری سیراسی ایله لاندونقوو کندی یاخینلیغیندا ژاپون باتارئیاسینا هوجوموندا ایشتیراک ائدیب. بیرینجی یوز دؤیوشچونو ژاپون باتارئیاسی نین اوستونه آپاران فیض‌الله میرزا قاجار ساغ آیاغیندان آغیر یارالانیر.
1912-جی ایلین آوریلین 8 ژنرال-مایور حسین خان ناخچیوانسکی نین روس ایمپراتورونون حربی-صحرا کانسئلیاریاسی‌نین ریسی کنیاز و.ن. اورلووا مکتوبوندان:
" اونو (شاهزاده قاجاری) دؤیوش کئیفیت‌لری باخیمیندان دا گؤرکملی ساییرام: بیر چوخ ایشلرده ایشتیراک ائده رک دفعه لرله شوجاعت و ایگیدلیک سرگیله‌ییب. خوصوصاً ده ساندئپو یاخین لیغیندا گئدن دؤیوش‌لرده فرقله‌نیب، 1905-جی ایلین ژانویه‌نین 15 مووقّتی اولاراق 100 حربچی‌یه رهبرلیک ائدرکن لاندونقوو کندی‌نین یانیندا داغیستان آلایی‌نین آتلی هوجوموندا ایشتیراک ائدیب و آیاغیندان آغیر یارالانیب[۳]"
1904-جو ایلین نوامبرین 3-ده " ایگیدلییه گؤره " یازیسی اولان 4-جو درجه لی موقدس آننا اوردنی ایله تلطیف ائدیلیب.
ژاپون ایله ساواش زامانی " موختلیف فرقلنمه‌لره " گؤره 1905-جی ایلین ژانویه‌نین 9-او قیلینج و بانتلی 3-جو درجه لی موقدس استانیسلاو اوردنینه لاییق گؤرولوب. 1905-جی ایلین ژوئیه‌نین 11-دن آقوستون 10-دک بئنسیخو اراضیسینده دؤیوش فرقلنمه لرینه گؤره قیلینج و بانتلی 3-جو درجه لی موقدس آننا اوردنی ایله تلطیف ائدیلیب. " ژاپون‌لارا قارشی ایشلرده فرقلنمه‌لره " گؤره 1905-جی ایلین ژانویه‌نین 14-ده یاساوول روتبه‌سی آلیب.
ساواش بیتدیکدن سونرا 1906-جی ایلین مارسین 21-ده روتمیستر روتبه‌سینده 43-جو توئر دراقون آلایینا قایتاریلیر.نوامبرین 16-دا 4-جو اسکادرونون کوماندیری تعیین ائدیلیر. 1907-جی ایلین ژانویه‌نین 28-ای ایرانین 3-جو درجه لی آسلان و گونش اوردنی تاخماسینا ایجازه وئریلیر. ژانویه‌نین 29-دان آلای محکمه‌سی‌نین عوضوو اولور.
1912-جی ایلین آقوستون 26-دا خیدمتینده فرقلنمه‌لره گؤره پولکوونیک-لئیتنانت روتبه‌سی آلیر.
تزارین 1913-جو ایلین آوریلین 18-ای وئردیگی امری ایله پولکوونیک-لئیتنانت فیض‌الله میرزا قاجار 10-جو نووقورود ویرتمبرق کرالی آلایینا تحکیم ائدیلیر. اورادا کیچیک قرارگاه ظابیطی وظیفه‌سینده چالیشیب.
بیرینجی دونیا ساواشی دَییشدیر
1914-جو ایلین نوامبرین 27-ده شاهزاده میرزا فیض‌الله قاجار قافقاز یئرلی سوواری آلایینا تحکیم ائدیلمک اوچون لوووا ژنرال-لئیتنانت حسین خان ناخچیوانسکی نین رهبرلیک ائتدیگی 2-جی کاوالریا کورپوسونا گؤندریلیر.
1914-جو ایلین آقوسوتون 31-ده باش وئرمیش دؤیوشده " فرقلندیگینه گؤره " 1915-جی ایلین ژانویه‌نین 5-ده پولکوونیک روتبه‌سینه لاییق گؤرولور. ژانویه‌نین 31-ایسه گونئی-باتی جبهه‌سی نین باش کوماندانی، آرتیللریا ژنرالی ن.ای.ایوانووون امری ایله قیلینجلی 2-جی درجه لی موقدس استانیسلاو اوردنی ایله موکافات‌لاندیریلیر.
عالی امر ایله قافقاز یئرلی سوواری آلایی نین تاتار آلایینا تحکیم ائدیلمیش شاهزاده میرزا فیض‌الله قاجار چچن آلایی‌نین کوماندیری تعیین اولونور.
مارسین 17-ده روستوکی کندی‌نین یاخینلیغیندا باش وئرمیش دؤیوشه گؤره قیلینج و بانتلی 4-جو درجه لی موقدس ولادیمیر اوردنی ایله تلطیف ائدیلیر [۴]. سپتامبرین 9 ایسه کوسکووچی کندی‌نین یاخینلیغیندا باش وئرمیش دؤیوشه گؤره قیلینجلی 2-جو درجه‌لی موقدس آننا اوردنینه لاییق گؤرولور.
1915-جی ایلین اوکتوبرین 17-ده شاهزاده میرزا فیض‌الله قاجار 4-جو درجه لی موقدس قالیب گروگی اوردنی ایله تلطیف ائدیلیر.
اوردن تقدیماتیندان:
" 1915-جی ایلین فوریه‌نین 15-ای اؤز تشبوثو ایله، یالنیز بیر ظابیطه مالیک 400-لوک اومان کازاک آلایینا رهبرلیک ائده رک، گوجلو توفنگ و پولمیوت آتشی آلتیندا اونو رشادتلی هوجوما سؤوق ائدیر، ایکی دفعه دؤیوش مئیدانیندان قاچماق ایسته ین کازاکلاری گئری قایتاریر و قطعی آددیملار سایه سینده برین کندینی توتماغا مووفّق اولور[۵] " .
1916-جی ایلین دسامبرین 9-دا رومانی‌نین والی-سالچی کندی‌نین یاخینلیغینداکی دؤیوشده آغیر یارالانیر و روسیه‌یه تخلیه ائدیلیر.
1917-جی ایلین فوریه‌نین 17-ده اوردو سیرالارینا قاییداراق چچن آلایینا رهبرلیک ائدیر. 1917-جی ایلین مه‌یین 17-ده ژنرال-مایور روتبه سی آلیر، مایین 30-او ایسه قافقاز یئرلی سوواری آلایی نین 2-جی بریقاداسی نین کوماندیری تعیین ائدیلیر.
عالی باش کوماندان، اینفانتریا ژنرالی ل.کورنیلووون 21 آقوست تاریخینده وئردیگی قرارا اساسن قافقاز یئرلی سوواری دیویزیاسی ایکی آتلی دیویزیادان عیبارت قافقاز یئرلی سوواری کورپوسونا دییشدیریلمگه باشلانیلیر. بو مقصدله کورپوسون ترکیبینه داغیستان و اوستین سوواری آلایی علاوه ائدیلیر. سپتامبرین 30-او میرزا فیض‌الله قاجار 1-جی قافقاز یئرلی سوواری دیویزیاسی نین ریسی تعیین ائدیلیر [۶].
آذربایجان خالق جومهوریتینده خیدمتی دَییشدیر
1918-جی ایلین یاز و یایینی آذربایجان کورپوسوندا خیدمت ائدیب. آذربایجان کورپوسو بوراخیلدیقدان سونرا اونون حیصه‌لری یئنی گلمیش تورکیه‌نین 5-جی قافقاز و 15-جی چاناق‌قالا دیویزیالاری ایله نوری پاشانین رهبرلیک ائتدیگی یئنی یارادیلمیش قافقاز ایسلام اوردوسونون ترکیبینه قاتیلیر.
ژنرال-مایور میرزا فیض‌الله قاجار کاوالریا اینسپکتورو وظیفه‌سینه تعیین ائدیلیر. 1918-جی ایلین دسامبرین 23-او آذربایجان دموکراتیک جومهوریتی‌نین (ادج) سوواری دیویزیاسی‌نین کوماندیری تعیین ائدیلیر. 1919-جو ایلین ژانویه‌نین 9-او آدج-این حربیه ناظیری آرتیللریا ژنرالی مهماندارووون امری ایله گنجه قارنیزونونون کوماندیری تعیین ائدیلیر [۷].
معلوماتلارا گؤره، آذربایجانین شوروی ایشغالینا اوغراماسیندان سونرا و گنجه ده باش وئرمیش آنتی‌شوروی عوصیانین یاتیریلماسیندان سونرا میرزا فیض‌الله قاجار بولشویکلر طرفیندن گوللله‌نیر.
عاییله‌سی دَییشدیر
فیض‌الله میرزا خورشید خانیم ناخچیوانسکی ایله عاییله قورموشدو.
اتک یازی‌لار دَییشدیر
- ^ Şahzadə Mirzə Feyzulla Qacarın məzarı Sankt-Peterburqun Novo-Volkovo qəbirstanlığının tatar hissəsində yerləşir.
- ^ Нагдалиев, Фархад (2006). Нахичеванские в Российской Империи. Москва.
- ^ Нагдалиев, Фархад (2006). Нахичеванские в Российской Империи. Москва.
- ^ Нагдалиев, Фархад (2006). Нахичеванские в Российской Империи. Москва.
- ^ «Каспий», 26 февраля 1916 г., №45
- ^ Залесский, К. А. (2003). Кто был кто в Первой мировой войне.
- ^ Государственный архив Азербайджанской Республики. ф.2898, оп.1, д.23, л.29