قاراباغ فوتبال کولوبو
قاراباغ فوتبال کولوبو (آذربایجان تورکجه‌سی‌نین لاتین الیفباسی: Qarabağ Futbol Klubu) — آذربایجان جومهوریتینین آغدام شهرینی تمثیل ائدن حرفه‌ای (پئشه‌کار) بیر فۇتبول کولۇبو'دور. ۱۹۵۱-جی میلادی ایلین ۲۳ جۇلای تاریخینده محصول آدی ایله تأسیس اوْلونموش‌دور.
 | ||||
| بۆتون آد | قاراباغ فوتبال کولوبو | |||
|---|---|---|---|---|
| لقب(لر) | آتلیلار[۱] | |||
| قیسا آد | قاراباغ | |||
| قۇرولوش | ۱۹۵۱ محصول آدی ایله[۲][۳][۴] | |||
| ایستادیوم | آذرسون آرنا | |||
| یئرلشیمی | ۵،۸۰۰ | |||
| مالیک | آذرسون هولدینگی | |||
| ایداره‌چی |  گوزل عبدالباری | |||
| باش‌مشقچی |  قوربان قوربانوو | |||
| لیگ | آذربایجان اوست فوتبال لیگی | |||
| ۱-جی | ||||
| وئب‌سایت | کولوبون وب‌سایتی | |||
|
| ||||
قاراباغ ۱۹۸۷-جی ایله قدر ۳ فرقلی آد ایله چیخیش ائتمیشدیر. ۱۹۹۱-جی ایلین ۲۳ جۇلای تاریخینه گدر قاراباغ ائو اوْیونلارینی آغدام شهرین‌ده‌کی عمارت ایستادیوموندا کئچیریردی. ائرمنیستان سیلاح‌لی قوه‌لرینین آغدام شهرینی ایشغال ائتدیک‌دن سوْنرا قاراباغ ائو اوْیونلارینی بیر مدت قوزان‌لی قصبه‌سینده، داها سوْنرا ایسه باشکند‌دا، باکیدا کئچیریردی.
قاراباغ ۱۹۹۲-جی ایلدن آذربایجان پرمیر لیقا‌سیندا موباریزه آپاریر. قاراباغ تاریخینده ۴ دفعه آذربایجان پرمیر لیقا‌سینین چمپیونو اوْلموش‌دور. ایلک دفعه قاراباغ ۱۹۹۳-جو ایلده آذربایجانین ان گۆج‌لوسو اوْلموش‌دور. داها سوْنرا قاراباغ چمپیون‌لوغو ۲۰ ایل گؤزلمه‌لی اوْلور. قاراباغین ایکینجی چمپیون‌لوغو ۲۰۱۴-جو ایله تصادوف ائدیر. اله بیر ایلدن سوْنرا ایسه قاراباغ تیتولونو قورویا‌راق تاریخینده ۳-جو دفعه چمپیونو اوْلور.
آدلاری
دَییشدیر- "محصول": ۱۹۵۱—۱۹۷۷
- "شفق": ۱۹۷۷—۱۹۸۲
- "کووپئراتور": ۱۹۸۲—۱۹۸۷
- "قاراباغ": ۱۹۸۷—۲۰۰۱
- "قاراباغ-آذرسون": ۲۰۰۱—۲۰۰۴
- "قاراباغ": ۲۰۰۴-جو ایلدن ایندییه کیمی
قئید ائدک کی، تاخیمین یارانما تاریخی ۱۹۵۱-جی ایلدن باشلا‌سا دا، "قاراباغ" آدی ایله ۱۹۸۷-جی ایلده یارانمیش‌دیر.
تاریخی
دَییشدیر۱۹۵۰-جی ایللر
دَییشدیرکلۇبون یارانما تاریخی ۱۹۵۰-جی ایللرین اوّللرینه تصادوف ائدیر. بئله کی، ۱۹۵۱-جی ایلده آغدام شهر ایستادیومونون تیکینتی‌سی باشا چاتدیق‌دان سوْنرا کلۇبون دا حرفه ای بیر ایدمان تشکیلاتی کیمی فورمالاشدیریلما‌سی ساحه‌سینده جدی ایشلر گؤرولدو.
۱۹۶۰-جی ایللر
دَییشدیریاراندیغی گۆن‌دن سوْنرا بیر مدت "محصول" آدی ایله چیخیش ائدن "قاراباغ" ایلک دفعه ۱۹۶۶-جی ایلده آذربایجان شوروی چمپیوناتیندا ایشتیراک ائتمیشدیر. همین ایل چمپیوناتی ۴-جو یئرده باشا وۇران "قاراباغ" ۴ ایل آردیجیل اوْلا‌راق اؤلکه بیرینجیلیینده موباریزه آپاردی. بۇ ایللر عرضینده ان یاخشی نتیجه‌نی ۱۹۶۸-جی ایلده ۲-جی یئری تۇتماقلا قازاندی. لاکین ۱۹۶۸-جی ایلدن سوْنرا باخیم‌سیزلیق اۆزون‌دن آغدام اۇزون مدت اؤلکه چمپیوناتلاریندا تمثیل اوْلونما‌دی.
۱۹۷۰-۱۹۸۰-جی ایللر
دَییشدیر۱۹۷۷-جی ایلده "قاراباغ" یئنی‌دن "شفق" آدی ایله برپا ائدیلدی. اله همین ایل "شفق" آذربایجان شوروی چمپیوناتین ین ۲-جی دسته‌سینده یاریش‌دی. "شفق" ۱۹۸۲-جی ایله قدر آغدام فوتبولونون یگانه تمثیل‌چی‌سی اوْلدو. ۱۹۸۲-جی ایلدن ۱۹۸۷-جی ایله قدر ایسه کلۇب "کووپئراتور" آدی ایله یاریشلارا قاتیل‌دی. "قاراباغ" ایلک دفعه آذربایجان شوروی چمپیونو آدینا ۱۹۸۸-جی ایلده – آذربایجان کئچمیش شوروی-نین ترکیبینده اوْلارکن لایق گؤرولدو. همین چمپیونلوق‌دان سوْنرا "قاراباغ" شوروی چمپیوناتین ین ۲-جی دسته‌سینه وثیقه قازاندی. ۱۹۸۹-جو ایلده "قاراباغ" شوروی چمپیوناتین ین ۹-جو زوناسیندا یاریش‌دی. ۱۹۹۰-جی ایلده شوروی چمپیوناتین ین ۲-جی دسته‌سینین زونا یاریشلاریندا دییشیک‌لیک ائدیلدیین‌دن "قاراباغ" آذربایجان شوروی چمپیوناتین ین زونا یاریشلاریندا ایشتیراک ائتمک مجبوریتینده قالدی.
۱۹۹۰-جی ایللر
دَییشدیر۱۹۹۰-جی ایللرین اوّللری
دَییشدیر۱۹۹۱-جی ایلده شوروی داغیلان‌دان سوْنرا آذربایجان جومهوریتی موستقیل فۇتبول چمپیوناتی تشکیل اوْلوندو. "قاراباغ" آذربایجان چمپیوناتین ین بۆتون فصللرینده ایشتیراک ائدن ۲ تاخیم‌دان بیریدیر(نفت‌چی پفک ایله یاناشی). طبیعی کی، موستقیل‌لیک ایللرینده "قاراباغ"این آغیر گۆنلری ده آز اوْلماییب. آذربایجان تاریخینین ان قارا گۆنلردن بیری اوْلان آغدام شهرینین ایشغا‌لی گۆنو (۲۳ جۇلای ۱۹۹۳-جو ایل) "قاراباغ" تاخیم‌سینین تاریخینده ده ان قارا گۆن‌دور – همین تاریخ‌دن اعتباراً تاخیم "قاچقین کلۇب" کیمی فعالیّت گؤستریر.
قئید ائدک کی، ۱۹۹۲-۱۹۹۳-جو ایللرده رقیبلرینی آغدامدا قبول ائدن "قاراباغ" بۇرادا ۲۸ اوْیون کئچیریب. "قاراباغ" آغدامدا کئچیردیی سوْن ۲۲ ماتچ‌دا غالیب گلیب. ایالت تمثیل‌چیسینین ائوده سوْن مغلوبیتین‌دن ایسه داها اۇزون ۲۷ اوْیونلوق سریا کئچیر. ماراقلی‌دیر کی، "قاراباغ"این آغدامدا اۇدوزدوغو یگانه اوْیون اوْنلارین موستقی‌لیک تاریخین‌ده‌کی ایلک قارشیلاشما‌سی اوْلوب. و مغلوبیت‌له باشلایان تاریخ غلبه سریاسی ایله داوام ادیب[۵]
۱۹۹۰-جی ایللرین سوْنلاری
دَییشدیر20 عصرین سوْن ایللرینده کلۇب مادی سیخینتیلاردان جدی اذیّت چکیردی. محض بۇ سبب‌دن ۱۹۹۸-۲۰۰۱-جی ایللرده اؤلکه چمپیوناتین ین گۆج‌لولر دسته‌سینده ضعیف نتیجه گؤستردی. اۆسته‌لیک مادی دۇروم کلۇبون آپاریجی فۇتبول‌چولارینین دا "قاراباغ"ı ترک ائتمه‌سینه گتیریب چیخارتدی.
۲۰۰۰-جی ایللر
دَییشدیر"قاراباغ-آذرسون"
دَییشدیر۲۱-جی عصرین اوّلینده کلۇب مادی پروبلملرله اۆز-اۆزه قالدی. بۇ پروبلملر ۲۰۰۱–جی ایلده آذربایجاندا فعالیّت گؤسترن ان بؤیوک هولدینقلردن بیری اوْلان "آذرسون" شیرکتی‌نین تاخیمی ایسپونسورلوغا گؤتورمه‌سیندن سوْنرا حل اوْلوندو. "آذرسون" هولدینق شیرکتی "قاراباغ"این اینکیشافی اۆچون عملی ایشه گیریش‌دی. شیرکتین باشکانی آبدولباری گؤزلین بیلاواسیطه شخصی کؤمک‌لییی ایله تاخیمین مادی پروبلملری حل اوْلوندو. ایمکان‌سیزلیق اۇجباتین‌دان دیگر کلۇبلارا کئچمیش اکس-قاراباغ‌لیلار هئیته قایتاریل‌دی و همین دؤوردن کلۇب "قاراباغ-آذرسون" آدی ایله چیخیش ائتمه‌یه باشلا‌دی.
مادی دۇرومین دوزلمه‌سی کلۇبون نتیجه‌لرینه ده ائتکی گؤستردی. ۲۰۰۱-جی ایلده "قاراباغ-آذرسون" اؤلکه چمپیوناتیندا ۹–جو یئری توتسادا قارشی‌داکی فصله حاضیرلیق ایشلری جدی گئدیردی و ادعا‌سی بؤیوک اوْلان کلۇبون قارشی‌سینا ان یۆکسک یئرلری تۇتماق وظیفه‌سی قۇیولموش‌دو. لاکین همین دؤورده آذربایجان فوتبولوندا باش وئرن بحران سببین‌دن اؤلکه‌ده ۲۰۰۲-۲۰۰۳-جو ایلدکی چمپیونات یاریمچیق دایاندیریلدیغی اۆچون قارشییا قویولان مقصده نایل اوْلماق مۆمکون اوْلما‌دی.
آذربایجان فوتبولونداکی بحران باشا چاتدیق‌دان سوْنرا، ۲۰۰۳-جو ایلده "قاراباغ-آذرسون"اۇن رهبر یاپیسال(ساختار)ون‌دا بیر سیرا دییشیک‌لیکلر آپاریل‌دی و تاهیر گؤزل تاخیمین ویتسه-باشکانی تعیین ائدیلدی. تاهیر گؤزلین کلۇبا گلیشین‌دن سوْنرا "قاراباغ"این تاریخینده سانکی یئنی صحیفه آچیل‌دی. تاخیمین اؤلکه چمپیوناتیندا اۇغور قازانما‌سی اۆچون بۆتون ایمکانلار سفربر ائدیلدی. و محض بۇ سیلرین نتیجه‌سی ایدی کی، ۲۰۰۳-۲۰۰۴-جو ایل فصلینده "قاراباغ" اۇزون فاصیله‌دن سوْنرا یئنی‌دن آذربایجان چمپیوناتین ین اؤدول‌چیلاری سیراسیندا یئر آلدی و بیرینجی‌لیکده ایلک دفعه بورونز مداللاری قازاندی.
تاریخی آدین برپا‌سی و یئنی لوقوتیپ
دَییشدیر"قاراباغ"این رهبرلییی ۲۰۰۴-۲۰۰۵-جی ایل فصلینده سوئدده یاشایان تجروبه‌لی مشقچی ایقور پونوماری‌اوفو باش مشقچی پوستونا تعیین ائتدی. بۇندان سوْنرا قیسا زاماندا آذربایجانین مۆختلیف یاش قروپلارینا عایید ییغما تاخیملارینین عضوو اوْلان بیر سیرا فۇتبول‌چولار هئیته جلب اوْلوندو. تاهیر گؤزلین تشببوسو ایله ۲۰۰۴-جو ایلده "قاراباغ"این تاریخی آدی اؤزونه قایتاریل‌دی و تاخیم یئنی‌دن بۇ آدلا آدلاندیریلماغا باشلاندی. بۇندان باشقا تاهیر بی کلۇب اۆچون یئنی لوقوتیپ ده هازیرلاتدیردی. اینگیلیسده دیزاینئرلر طرفیندن هازیرلانان بۇ لوقوتیپ‌ده "قاراباغ"این سمبولو اوْلان قاراباغ آتلاری تصویر اوْلونوب. لوقوتیپی بۇندان باشقا فۇتبولا عایید مۆختلیف آتریبوتلار بزییر
قوربان قوربان‌اوف چاغ‌سی
دَییشدیرآذربایجان کوبوکوندا غلبه
دَییشدیر۲۰۰۸-جی ایلده راسیم کارادان سوْنرا قاراباغین سوکانی آرخا‌سینا قوربان قوربان‌اوف گتیریل‌دی. ۲۰۰۸/۲۰۰۹ فصلینده آذربایجان پرمیر لیقا‌سیندا قوربان قوربان‌اوفون تاخیمی ۵-جی یئر ایله کیفایتلن‌دی. آذربایجان کوبوکوندا ایسه قاراباغ فینالا قدر بۆتون رقیبلرینی مغلوب ال‌دی. فینال‌دا ۲۳ مئیدا باکیدا توفیق بهرام‌اوف آدینا جومهوریتی ایستادیوموندا قاراباغ باشکند تمثیل‌چی‌سی اینتر ایله قارشیلاش‌دی. گؤروشون ۵۷-جی دقیقه‌سینده واقیف جاواداوفون وۇردوغو یگانه قوْل قاراباغا آذربایجان کوبوکوندا ۳-جو ظفری گتیردی. بۇنونلا دا قوربان قوربان‌اوفون تاخیمی گلن فصل آذربایجانی یوفا آوروپا لیقا‌سیندا تمثیل ائتمه حۆقوقو قازاندیلار.
آوروپا‌دا ایلک غلبه‌لر
دَییشدیر۲۰۰۹/۲۰۱۰ فصلینده قاراباغ قوربان قوربان‌اوفون رهبرلیینده اۇزون فاصیله‌دن سوْنرا یوفا آوروپا لیقا‌سیندا موباریزه آپارا‌جاق‌دی. لاکین یوفا آوروپا لیقا‌سیندا قاراباغ‌دان اۇغور گؤزلینلر چوْخ دییلدی. بۇنا اساس سبب ایسه هئیت‌ده گنج و تجروبه‌سیز آذربایجانلی فۇتبول‌چولارین اوْلما‌سی ایدی. هئیت‌ده الوین محمّداوف، افران ایسماعیل‌اوف ، ماکسیم مئدوئدئو، راوف الیئو و واقیف جاواداوف کیمی گنج و تجروبه‌سیز فۇتبول‌چولار اوْلسا‌دا قوربان قوربان‌اوف اوْنلاری یوفا آوروپا لیقا‌سیندا قاراباغین اساس فۇتبول‌چولاری کیمی ایستیفا‌ده ائدیردی.
۲۰۰۹-جو ایلده قاراباغ فصله یوفا آوروپا لیقا‌سینین ۲-جی سینیفلان‌دیرما مرحله‌سینده روسنبورق ایله سفر اوْیونو ایله باشلا‌دی. ۱۶ جۇلایدا قوربان قوربان‌اوفون تاخیمی نوروژ کلۇبو ایله سفرده ۰-۰ حساب‌لی برابره قالدی. ۱ هفته‌دن سوْنرا ایسه قاراباغ باکیدا توفیق بهرام‌اوف آدینا جومهوریتی ایستادیوموندا روسئنبورق ایله جواب اوْیونونا چیخدی. گؤروش‌ده یگانه قوْلو اوْیونون ۴۵-جی دقیقه‌سینده مؤهتشم جریمه ضربه‌سیندن رشاد سادیق‌اوف وۇردو. گۆج‌لو نوروژ کلۇبونو مغلوب ائدن قاراباغ یوفا آوروپا لیقا‌سیندا ۳-جو سینیفلان‌دیرما مرحله‌سینه وثیقه قازاندی. بۇ مرحله‌ده ایسه قوربان قوربان‌اوفون تاخیم‌سینی فنلاند تمثیل‌چی‌سی هونکا ایله اوْیون گؤزلییردی.
کلۇبون رنگلری و لوقوسو
دَییشدیرلقبلری
دَییشدیرتاخیمین بتون بیر لقبی اوْلما‌سا دا، بللی دؤورلرده بللی لقبلری قازانمیش‌دیر. "قاراباغ"این لقبلری ایچریسینده ان قدیمی "آتلیلار" لقبی‌دیر. لقب قاراباغ آتلاری ایله علاقه‌لیدیر. اینگیلیسده اؤزل دیزاینئرلر طرفیندن هازیرلانان لوقوتیپ‌ده ده "قاراباغ"این سمبولو اوْلان آتلار تصویر اوْلونوب.
۱۹۹۳-جو ایلده آغدام شهری ائرمه‌نیلر طرفیندن ایشغال اوْلوندوق‌دان سوْنرا دوغما عمارت ایستادیوموندان دیدرگین دوشن تاخیم مجبوری اوْلا‌راق "قاچقین کلۇب" آدینی آلمیشدیر. قوربان قوربان‌اوفون گلیشین‌دن سوْنرا، قاراباغین جلب ائدیجی اوْیونو کلۇبا "قافقازین "بارسلونا‌سی" آدینی قازاندیرمیش‌دیر.
فوْرما ایسپونسورلاری و اۆرتیم (تولید)چیلاری
دَییشدیر"قاراباغ"این قدیمی فوْرما‌سی قارا و آغدیر. کلۇبون فوْرما‌سی آدیداس طرفیندن اۆرتیم (تولید) اوْلونور و ۲۰۰۱-جو ایلدن آذرسون هولدینق طرفیندن ایسپونسورلوق ائدیلیر.
اۇغورلاری
دَییشدیرقایناقلار
دَییشدیر- ^ Atayev, Oktay. Who are Qarabağ FK?. uefa.com. UEFA. یوْخلانیلیب7 May 2014.
- ^ قایناق خطاسی برچسب
<ref>نامعتبر؛ متنی برای ارجاع‌های با نامkaraوارد نشده است - ^ "Qarabağ"ı "Məhsul"dan Çempionlar Liqasına aparan yol. Sputnik.az.
- ^ Карабах Агдам. wildstat.ru.
- ^ "قاراباغ"لا قاراباغ‌داکی خاطره‌لر...[دائمی اولو باغلانتیلی] شابلون:آذ