قارغا و تولکو
بو شعر ایلک دفعه میرزا علی اکبر صابر طرفیندن ترجومه اولونموشدور کی هوپ-هوپ نامه کیتابیندا[۱] یازیلیب و سونرا بونون اوُزوندن حبیب یغمایی طرفیندن فارس دیلینه ترجومه ائدیلمیشدیر.
| پئندیر آغزیندا بیر قارا قارغا | اوچاراق قوندو بیر اوجا بوداغا | |
| تولکو گؤرجک یاواش یاواش گلدی | ائندیریب باش ادبله چؤمبَلدی | |
| بیر زامان حسرت ایله قارغا ساری | آلتدان، آلتدان ماریتدی باش یوخاری | |
| دئدی «احسن سنه، آقا قارغا! | نه نزاکتله قونموسان بوداغا!» | |
| بزه‌دین سن بو گون بیزیم چمنی | شاد قیلدین بو گلمگینله منی | |
| نه گؤزل‌سن، نه خوش لیقاسن سن! | یئری وار سؤیله‌سم هوما سن سن! | |
| توکلریندیر ایپک کیمی پارلاق | بد نظردن ووجودون اولسون ایراق | |
| بو یقین دیر کی، وار سئویملی سسین | اوخو، وئرسین منه صفا نفسین!» | |
| بؤیله سؤزدن فرحلَنیب قارغا | آغزینی آچدی تا کی، ائتسین، غا | |
| «غا» ائدرکن هنوز بیرجه کره | پئندیری دیمدیگیندن ائندی یئره | |
| تولکو فورا هاوادا قاپدی یئدی | قارغایا طعنه ایله بؤیله دئدی | |
| «اولماسایدی جاهاندا سارساقلار | آج قالاردی یقین کی، یالتاقلار» |