قورامسال (نظری) دیل بیلیم

دیل بیلیمین دیلی سویوت بیر سیستم کیمی اله آلاراق اینجله‌ین و دیل اوزرینه گنل قوراملار (نظریه‌لر)اولوشدورمایا چالیشان قولونا قورامسال دیل بیلیم دئییلیر. قورامسال دیل بیلیمه "گنل دیل بیلیم" و "عمومی دیلچیلیک" ده دئییلیر. قورامسال دیل بیلیمین ان غالیب و یایقین مکتبی اۆرتکن دیل بیلیم‌دیر.

اۆرتکن (ürətgən)دیل بیلیم

چاغداش دیل بیلیمین ان غالیب و یایقین مکتبی اولان اۆرتکن دیل بیلیم (اینگیلیسجه: Generative grammer) بیر سیرا دیل علمی قوراملاردان اولوشماقدادیر. بو قوراملارین هامیسی ایکی دیل علمی فطری و فلسفی اینانجا دایانماقدادیر: الف) دیلین بعضی اؤزللیکلری دوغال و بیولوژیک اولدوغو اۆچون، اوشاقلار دوغولدوغو آندان اعتبارن بو اؤزللیکلره صاحبدیرلر. ب) دیلین ان بلیرگین یونو (جنبه سی) اونون بیچیمسل (صوری) و ماتئمتیکسل اولماسیدیر.