ماراغا صابونو
ماراغا صابونو آذربایجانین ماراغا شهرینده دوزلن سونتی بیر صابون آدی دیر. بو صابون چوخ واخت ساری رنگینده اولار و درینین طراوتلی و ساغلاملیغی اۆچون چوخ فایدالی دیر. دئیینلره گؤره 150 ایلدن چوخ دور بو صابون دوزلینیر و آذربایجانین ائشیگینده ده آدلیم دیر و ساتیلیر.
ماراغا سابونو نئجه دوزلینیر؟
دَییشدیرماراغا سابونو قویون قویروغو و سودیوم هیدروکسید (آجیشدیران سودا)دن دوزلینیر. و یئنی شیمیایی موادین قاتیلماماغینا گؤره دری یه ضررلی دئییل. ماراغا ساری بویاسیندان علاوه، آغ و قارا بویاسیندا دا دوزَلینیر. ساری و آغ صابون تکجه بویالاریندا فرقلری وار ، آنجاق قارا ماراغا صابونو ، ماتریالین آرتیقلاریندان دوزلینیر و تمیزلندیرمک گوجو آز اولور. بو صابونا سیدر و خینادا قاتیلاندا، دئییلیر کی باشین قوواغی، ساچ تؤکولمک قارشی سی نین آلماغینا فایدالیدیر و ساچین کؤکونو گوجلندیریر. ماراغا صابونونو دوزلتمک اۆچون ماتریالی نین قایتیشدیریب حاضیرلاماق اۆچون 6 ساعات زامان لاریم دیر. 3 ساعات دا چکیر بو قاتیشمیش مواد صابونا چئویریلسین.
وئریلیمش ساییلارا گؤره، ماراغا بؤلگه سینده آیدا 200 تون ماراغا صابونو دوزَلیر.
قوندارما ماراغا سابونو
دَییشدیردوزگون استانداردلارین اولمادیغیما گؤره، بیر سایی فیریلداقچی تقلبی و قوندارما صابونلاری دوزلدیب ساتیرلار و بو ایش ماراغا صابونونون محبوبیتینه ضربه ووروب.