ماکسول موعادیله‌لری

ماکسول مۇعادیله‌لری الکتریک مئیدانی و مغناطیس مئیدانینین نئجه تؤرنمه‌سی و تغییرینی تشریح ائدیرلر و بو مئیدانلارین الکتریک یوکو و الکتریک جریانی ایله نئجه باغلیلیقلارینی فوْرمولا سالیرلار. بو موعادیله‌لر کلاسیک الکترومغناطیس مئیدانی نظریّه‌سینین اساسی‌ و برق مهندیسلیگی‌نین تملی ساییلیرلار. ایلک دؤنه اولاراق اینگیلیسلی فیزیک عالیمی جئیمز کلارک ماکسول بو موعادیله‌لری فورمول شکلینده 1861-ده یاییملامیشدیر.

آشاغیدا گلن بو دؤرد موعادیله‌، ماکسول موعادیله‌لرینین هویساید فوْرمودورلار:

موعادیله‌نین آدی	دیفرانسیل موعادیله‌‌سی	انتیگرال موعادیله‌‌سی
قاوس قانونو:	$\nabla \cdot \mathbf {D} =\rho$	$\oint _{S}\mathbf {D} \cdot d\mathbf {A} =\int _{V}\rho dV$
مغناطیس مونوپولونون ایمکانسیزلیغی:	$\nabla \cdot \mathbf {B} =0$	$\oint _{S}\mathbf {B} \cdot d\mathbf {A} =0$
فارادئیین ایلقا قانونو:	$\nabla \times \mathbf {E} =-{\frac {\partial \mathbf {B} }{\partial t}}$	$\oint _{C}\mathbf {E} \cdot d\mathbf {l} =-\ {d \over dt}\int _{S}\mathbf {B} \cdot d\mathbf {A}$
آمپر قانونو:	$\nabla \times \mathbf {H} =\mathbf {J} +{\frac {\partial \mathbf {D} }{\partial t}}$	$\oint _{C}\mathbf {H} \cdot d\mathbf {l} =\int _{S}\mathbf {J} \cdot d\mathbf {A} +{d \over dt}\int _{S}\mathbf {D} \cdot d\mathbf {A}$

بوردا $\rho$ الکتریک یوکو ، $\mathbf {J}$ الکتریک جریانی سیخلیغی، $\mathbf {E}$ الکتریک مئیدانی شیدّتی، $\mathbf {B}$ مغناطیس مئیدانی شیدّتی و $\mathbf {D}$ ایله $\mathbf {H}$ مادّه‌نین الکتریک و مغناطیس قوطبی‌لیک سیخینتیلاری یانی $\mathbf {P}$ و $\mathbf {M}$ ایله موعیّنلشن مئیدانلار دیرلار. خطّی مادّه‌لرده واریمیز:

$\mathbf {P} =\chi _{e}\varepsilon _{0}\mathbf {E}$

$\mathbf {M} =\chi _{m}\mathbf {H}$

و بو ایکی مئیدان بئله حسابلانیرلار:

$\mathbf {D} \ \ =\ \ \varepsilon _{0}\mathbf {E} +\mathbf {P} \ \ =\ \ (1+\chi _{e})\varepsilon _{0}\mathbf {E} \ \ =\ \ \varepsilon \mathbf {E}$

$\mathbf {B} \ \ =\ \ \mu _{0}(\mathbf {H} +\mathbf {M} )\ \ =\ \ (1+\chi _{m})\mu _{0}\mathbf {H} \ \ =\ \ \mu \mathbf {H}$

تانسوْر فوْرمو

بو موعادیله‌لرین تانسور فورمو بئله دیر:

$\partial _{\mu }F^{\nu \mu }=4~\pi J^{\nu }\,$

$\partial _{[}{\mu }F_{\nu \lambda ]}=0\,$

قایناق‌لار

اینگیلیسجه ویکی‌پدیاسی‌نین ایشلدنلری طرفیندن یارانمیش«Maxwell's equations»، مقاله‌سیندن گؤتورولوبدور. (19 نووامبر 2015 تاریخینده یوْخلانیلیبدیر).