محمدصادق نائبی

محمد صادق نائبی ، آذربایجان یازیچیسی، شاعیر، ژورنالیست، دیلچی دیر.

محمدصادق نائبی

یاشاییشی

محمدصادق نائبی ۱۳۵۲ نین خردادینین ۳۰ وندا میانا شهرینده آنادان دوغولدو. ۱۳۷۰ ده دیپلمون ریاضی ده ، ۱۳۷۶ دا لیسانسین مکانیک رشته سینده و ۱۳۷۸ده یوکسک لیسانسین مکانیک رشته سینده آلمیش دیر. نائبی ۱۳۸۴ دن ایندیه قدر میانا شهرینین سایبری خبرلرینین کؤکون قویوب و صدای میانه آدیندا سایتی ۶۰ میندن آرتیق خبر و یوزلرجه یازیچیسی و مینلرجه باخیشی وار دیر.

علمی چالیشماسی

نائبی، بیر موهندیس اولاراق و صنعتده ایشله یه رک، دوکتور حسین محمدزاده صدیقین اؤزل اؤیرنجیسی اوْلوب ایللر بویو او اوستاددان تورک دیلی و ادبیاتین اؤیرنمیش و اونون اوزه رینده ۲۰ جیلد کیتاب بوتون آذربایجان و میانانین دیلی و تاریخی حاقّیندا یازمیش دیر.

نائبی دن یاییلان و یازیلان کیتابلار تۆرکجه نین اسکی یازیلارین چاغداشلاما، تؤرک سؤزلرینین کؤک بیلیمی، میانا شهرینین تاریخی، جغرافیسی، آدلیملاری، فولکلوری و بیر نئچه شعر کیتابلاری دیر.

ایلک دفعه تورک دیلینین ایلک دیوانی، قوتادغو بیلیگی اویغور تورکجه‌سیندن، آذربایجانجایا چئویرمه‌سی، شیخ صفی‌الدین اردبیلی نین نئچه رساله‌سینی چاغداشلاماسی و صفوه الصفا رساله سین یئنیدن چاغداشلاماسی، فارسی دیلینده اوْلان تۆرکجه سؤزلرین اتیمولوژی سی، تؤرکجه سؤزلری شعر اوزه‌رینده فارسجایا چئویرمه‌سی، تورک دیلی‌نین گرامئرینی اون آلنی درسلیکده یا بیر ترم ده اؤیرتمه‌سی، نائبی‌نین اؤزل ایشلریندن ساییلیر.

اثرلریندن

• مشاهیر و مفاخر میانه
• تاریخ و جغرافیای میانه
• آموزش گرامر زبان ترکی آذربایجانی
• میانه؛ پیرامون تاریخ، جغرافیا، آثار باستانی و ...
• قوتادغو بیلیک
• واژگان زبان ترکی در پارسی
• نصاب صادق
• قارا مجموعه از منظر واژه‌شناسی
• قارا مجموعه ۲
• رسالات کهن: رساله کؤنول
• چنلی تئل
• رسالات کهن: رساله البویوروق
• دکتر صدیقین دیل بیلیم درسلیگی
• رسالات کهن: رساله یول اهلینه قیلاووز
• زنجان لوحه‌لری
• ثعلبیه

شعرلر

سعدی نین شعرین شعر اوزه رینده چئویریش

سعدی نین شعری:

ای صبر! پای دار که پیمان شکست یار

کارم ز دست رفت و نیامد به دست یار

برخاست آهم از دل و در خون نشست چشم

یارب ز من چه خاست که بی من نشست یار

در عشق یار نیست مرا صبر و سیم و زر

لیک آب چشم و آتش دل هر دو هست یار

چون قامتم کمان صفت از غم خمیده دید

چون تیر ناگهان ز کنارم بجست یار

سعدی به بندگیش کمر بسته‌ای ولیک

منت منه که طرفی از این برنبست یار

اکنون که بی‌وفایی یارت درست شد

در دل شکن امید که پیمان شکست یار

تورکجه شعر چئویریش:

دؤزوم! ال ساخلا ، یار سیندیردی ایلقار

ایش الدن چیخدی آمما گلمه دی یار

کؤنولدن آه چیخیر ، گؤزدن آخیر قان

نه ائتدیم کی او مندن اولدو اوجقار

منیم سئوگیمله یار اولماز زر و سیم

گؤزومدن یاش چیخار ، کؤنلومدن اودلار

تنیم اوخ تک اگیلدی قایغیسیندا

یاریم تیر تک بو اوخدان قاچدی ، قایتار!

اونا بئل باغلادین قوللوقدا سعدی!

سنی سیندیردی یارین ، بیلمه دی عار

الآن کی بللی اولدو بی وفا دیر

اومود کؤنلونده کس ، یار کسدی ایلقار