مره کؤچدو(اویون)

مره کؤچدو - آذربایجاندا ان چوخ یازقاباغی (بایرام‌قاباغی) گونلرده اساساً اوشاق و گنجلر آراسیندا، گئنیش شکیلده اوینانیلان قدیم اویونلاریندان بیریدیر.

عومومی معلومات

نوروز بایرامی گونلرینده، ائلجه ده دیگر گونلرده اوشاقلارین اوینادیقلاری اویونلاردان بیریدیر.

اویونون قایدالاری

بو اویونو ایکی و یا دؤرد اوشاق اویناییر. دایره شکلینده هر اوشاغا اوچ مره دوزلدیرلر. هره 21 بالاجا داش گؤتورور، داشلاری ایکی-ایکی سایماقلا مره-مره پایلاییب ییغیر. سای بئله‌دیر:

- دانا، دانا،

قیر دانا،

ایکی اؤکوز،

بیر دانا.

هر مره‌یه یئددی داش ییغیرلار. قورعه آتیب اویونا باشلاییرلار. پوشک (چؤپ) دوشن اوشاق داشلاردان مره‌‌نین ایچینده بیرینی ساخلاییر. قالانلارینی مره‌لره پایلاییر. آدامین سایینا گؤره داش اودماق اولار. موقابیل طرفین مره‌لرینده بیر و یا اوچ داش وارسا، اویونچونون پایلایان داشی دا بیر و یا اوچ داشلی مره‌لرده قورتاریر، دئمه‌لی، داشلار جوتلشیرسه او، همین داشلاری اودموش اولور. ایلک اودولموش داشا مئتریک دئییرلر. هانسی اوشاق باشقا بیر اوشاقدان یئددی و یا چوخ داش اودسا، داشلار اونون اولور، او بیری‌نین مره‌سی و داشلاری آزالیر. بئله-بئله هر کسین بوتون مره‌لری بوشالدیقدا او، سیرادان چیخیر.