مشروطیت ائوی
مشروطیت ائوی تبریزین راستا کۆچه محله‌سینده٬ تبریز بازاری‌نین باتی طرفینده یئرلشمیش تاریخی بیر ائو. بو ائو قاجار معمارلیق تیکیلیشینده‌دیر. مشروطیت ائوی "حاج مهدی کوزه کنانی"نین شخصی مۆلکونده یئرلشیبدیر.
مشروطه بؤیوکلری، میلّی مجلیسین محمّدعلی‌شاه طرفیندن توْپا باغلانماسیندان سونرا، مشروطیت ائوینده توْپلانیب گؤروشورموشلر. هابئله بو ائو، تبریز شهرینین ۱۱ آیلیق مۆحاصیره‌سینده، مۆجاهیدلرین باشچی‌لیق مرکزی و تسلیم بایراقلاری‌نین ییغیشدیریلماسی‌نا تکلیف ائدن یئر اوْلموشدور.