مهدی کوزه کنانی
حاج مهدی کوزه کنانی (دوغوم:1214-اؤلوم:1297) تبریزلی مشروطه چی.مشروطه اینقیلابیندا آز ر بایجان و تبریز اهالی سینین طرفیندن "ابوالمله" آدینا لایق گؤرونموشدور.
مشروطه باشلانیشیندا مشروطه نین اون صف لرینده موباریزه ائده رک مشروطه نین ظفر تاپماسیندا اونملی رول اوینامیشدیر.بو آزادلیق ایسته ین تاجیر یاشلی لیغینا باخمایاراق تبریز گنج لری ایله بیرلیکده اینقیلاب اۆچون گئجه گوندوز چالیشدی و بۇ یولدا جان و مالیندان گئچدی.ائل ایسه بۇ چالیشمالار اۆچون اونا ابو المله (ملتین آتاسی) آدینی وئردی.
او تبریزین اعتیبارلی تاجیرلریندن آزادلیق ایسته ین و مشروطه ائوی نین تاسیس چی سی ایدی.تبریزین گیزلین مرکزی موجاهید تربیت ائتمک قرارینا گلدیگی گوندن سونرا حاج مهدی چوخ یاشلیغینا باخمایاراق عبا و لباده ایله تیجارت پالتاری ایله موجاهیدلره اوردو مشق وئردی.تبریز مشروطه چیلری بیرینجی مرحله ده ظفر قازانیب تشکیلات قورماغا باشلادیغی زمان آز ر بایجان ایالتی انجومنی قورولاندا حاج مهدی کوزه کنانی بۇ انجومن صدرینه سئچیلیر.
تبریزلی لرین ولیعهد محمدعلی میرزانین دایانماسی و موحاریبه گوسترمه سی سببی ایله صمصام بازاری و اینگیلیس کونسوللوغونداکی تحصن لری زاماندا حاج مهدی تحصن ائدن لره چوخ مادی کومک ائتدی.او آز ربایجان ایالتی انجومنین موهر داشیانی اولاراق انجومن جلسه لری اونون ائوینده قورولدو.ایستبدادچیلار و مشروطه چیلر ایله آراسینداکی ساواشدا بیر نئچه دؤنه اونون ترور اۆچون حاضیرلیقلار آپاریلدی.حاج مهدی کوزه کنانی ائوی بیر دفعه یاندیریلدی.
حاج مهدی 1297 نجی ایلذده وفات ائدمیشدیر.اونون ائوی دوغو آ ز ر بایجان مدنی میراث لار ایداره سی واسطه سی ایله مشروطیت موزه سی اولوب.
قایناق
دَییشدیرتبریز بلدیه سی طرفیندن یازیلان کتیبه داغ گؤلونه عاید