میثقال(اؤلچو بیریمی)

میثقال — اؤلچو بیریمی.

عومومی معلومات

میثقال معیشتده چوخ آز ایشلنسه ده، هامی‌یا تانیش اولان چکی بیریملریندن بیریدیر. تخمیناً 4،26 ق-آ برابردیر. بو گون زرگرلیک و بویاقچیلیق ایشلرینده ایستیفاده اولونور. میثقال حاقیندا موختلیف ادبیاتلاردا وئریلن بیلگیلر عئینی دئییلدیر. اونون آیری-آیری ادبیاتلاردا 4،4 ق (4،464 ق) اولدوغو گؤستریلیر. دوققوز-اون ایکینجی عصرلرده میثقال 4،25 ق اولموشدور کی، بو دا اونون ایندیکی اؤلچوسونه اویغون گلیر. میثقال آذربایجان فولکلوروندا و یازیلی ادبیاتیندا بیر شئیین آزلیغینی بیلدیرمک اۆچون ایشلنمیشدیر: "دئ گؤروم، نه قدر ات ایسته‌ییرسن؟ بیر چئتوئرت، یا آلتی میثقال؟" و یاخود، "درد خالوارلا گلیر، میثقاللا چیخیر".

قایناق

آذربایجان ائتنوقرافیاسی، باکی-2007، "شرق-غرب" نشریاتی. اوچ جیلدده. 3. جیلد. ص. 464. ایسبن 978-9952-34-152-2