میرزا شفیع واضح تبریزی
میرزا شفیع واضح (1794، گنجه – 16 نویابر 1852، تیفلیس، قافقاز جانیشین‌لیگی) — آذربایجان شاعیری و موتفکّیری، معاریفچی و پداقوق. واضح تخلوصو آلتیندا هم آذربایجان تورک دیلینده، هم ده فارس دیلینده یازاراق، بو دیل‌لرین پوئزییا عنعنه‌لرینی اینکیشاف ائتدیریردی. واضح " ایفاده‌لی، آیدین " دئمکدیر. تیفلیسده آذربایجان تورکجه‌سی و فارسجا دیل‌لریندن درس دئمیش‌دیر. روس پداقوق ایوان قریقوریئو ایله بیرلیکده آذربایجان پوئزییاسی‌نین ایلک مونتخباتینی و تیفلیس گیمنازییاسی اوچون " تاتار-روس لوغتینی" یازمیشدی.
| میرزه شفیع واضح | |
|---|---|
 | |
| دوْغوم تاریخی | 1794 گنجه خانلیغی |
| اؤلوم تاریخی | 16 نوامبر 1852 تیفلیس |
| حکومت دورانی | روسیه تزار ایمپراتورلوغو |
| پئشه | شاعیر-پداقوق |
| تاثیر قویموش | {{{تاثیر قویموش}}} |
میرزه شفیع چوخلو غزل‌لر، موخمس‌لر، مثنوی‌لر، روباعی‌لر و س. یازمیشدیر. اونون شعیرلری اینتیم-لیریک و ساتیریک کاراکتری داشیییردی. بوندان باشقا واضح پوئزییا تیپلی " مودریک‌لیک درنگی " نین باشیندا دایانیردی. واضحین اثرلری نین اساس مؤوضوسو رومانتیک سئوگی‌نین ترنّومو و حیاتین نئشه‌سیدی، آما بعضی شعیرلرینده میرزه شفیع فئودال جمعیتی‌نین عیب‌لرینی گؤستریر، کؤله‌لیک شخصیت‌لیک و دینی فاناتیزمین علئیه اینه چیخیش ائدیر.
واضحدن شرق دیل‌لری درسینی آلان آلمان شاعیری فریدریخ بودنشتدت " شرقده مین بیر گون " (1850) کیتابیندا واضحین شعیرلری نین ترجومه لرینی نشر ائتدیرمیشدیر. سونرادان بودنشتدتین " میرزه شفیع نغمه‌لری " (1851) آدلی کیتابی ایشیق اوزو گؤردو. بو نغمه‌لر اوروپا دیل‌لرینه دفعه‌لرله ترجومه ائدیلمیشدیر. باخمایاراق کی، سونرادان بودنشتدت واضحین شعیرلرینی اؤزونکو کیمی قلمه وئرمگه باشلادی، ساخلانیلان فارس و آذربایجان دیل‌لرینده اولان اوریژینال ورق‌لر میرزه شفیع‌نین مؤلیف‌لیگینی ثوبوت ائتدی.