نصرت کسمنلی
نصرت کسمنلی (Nüsrət Yusif oğlu Kəsəmənli)؛ (۲۵/۲۹ سپتامبر ۱۹۴۶، قازاخ - ۱۶ اوکتوبر ۲۰۰۳، تبریز) چاغداش آذربایجان ادبیاتی‌نین سئویلن شاعیرلریندن. شعیرلریندن بستَله‌نن ماهنیلار دیللر اَزبری‌دیر.
| نصرت کسمنلی | |
|---|---|
| فایل:Nüsrət Kəsəmənli.jpg | |
| آد | نصرت کسمنلی |
| قیسا بیلگی | شاعیر، پوبلیسیست. |
| دوْغوم تاریخ | ۱۹۴۶ قازاخ |
| اؤلوم تاریخ | ۱۶ اوکتوبر ۲۰۰۳ تبریز |
| میللیت | آذربایجان جومهوریتی |
یاشامی دَییشدیر
یوسف اوْغلو نصرت کسمنلی ۱۹۴۵-نجی میلادی ایلینده آذربایجاندا قازاخ بؤلگه‌سینده کالینین کندینده دونیایا گؤز آچدی. نصرت ایلک و اوْرتا مکتبی بیتیردیکدن سوْنرا ۱۹۶۶-نجی ایللرینده آذربایجان دؤولت اونیوئرسیته‌سینین ژورنالیست فاکولته‌سینه داخل اوْلوب و بۇ فاکولته‌نی ایسه اوغورلا باشا ووردو. سوْنرا آذربایجان یازیچیلار بیرلیگینه داخیل اوْلوب و اوردا ادبی مصلحت‌چی اوْلموشدور. یازدیغی اثرلره گؤره بۇ قورقونون آئچیریل ن ۷-نجی قورولتاییندا اداره هیأتی‌نین عضوو و شعر شوراسینین صدری سئچیلمیشدیر.
اؤلومو دَییشدیر
نصرت کسمنلی چوخدان ایدی کی بؤیرهک خسته‌لیگیندن عذاب چکیردی آنجاق سگگیز ایل بوندان اؤنجه تبریزه گلیب و عمله حاضیرلیق ایشلرینه باشلادی. تأسفله بۇ بؤیوک شاعیر ۱۳۸۲ -نجی ایلده مهرآیینین ۲۴ ونده تبریزین ایمام خسته‌خاناسیندا سون منزیله کؤچدو.
کیتابلاری دَییشدیر
- سئویرسنسه (۱۹۷۱)
- گؤزلریمین قاراسی (۱۹۷۵)
- اؤزومه بنزه‌دیگیم گونلر (۱۹۷۹)
- گوموش یوخولار (۱۹۸۱)
- تکلیکده دانیشاق (۱۹۸۳)
ایراندا یاییملانمیش اثرلری دَییشدیر
- گ‍ئ‍ت‍م‍ک ای‍س‍ت‍ه‌ی‍ئ‍ی‍رس‍ن… ب‍ه‍ان‍ه س‍ی‍زگ‍ئ‍ت - نشر دالغا - سراب - ۱۳۸۰
- ح‍ام‍ی‍س‍ی س‍ئ‍وگ‍ی‍دن‍دی‍ر - زارعی - تبریز - ۱۳۸۱
- دئ‍ی‍ه سن ت‍زه دن ق‍ای‍ی‍د ی‍ر ب‍وق‍ی‍ش - انتشارات دانیال - تبریز - ۱۳۸۱
- حیئیف اوسئوگییه - نشر اختر - تبریز - ۱۳۸۵
- گوله-گوله آغلایان گؤزل - نشر اختر - تبریز - ۱۳۸۹
شاعیرین کیریل الیفباسیندا چاپ اوْلونموش سون کیتابی ۱۳۸۳سون آییندا عرب الیفباسینا چئوریلدی آمّا بیر پارا مسئله‌لره گؤره کیتابی چاپ ائدیله بیلمدی. ۱۳۸۴ده کیتاب شهرام گلکار توسط ایله چاپ اوْلوندو، یالنیز چاپ اوْلونموش کیتابدا تأسفله شعرلرین یئدیسینی (۷) قویماییبلار: «۱۰۰۱ گئجه»، «چارمیخ»، «ناتورمورت»، «۲۰ ایل سوْنرا»، «قایتارین منه»، «آللاها شیکایت»، «کسین کیشیلرین باشینی».
شعرلریندن اؤرنک دَییشدیر
۱. حئیف او سئوگی‌یه
او یالانچی ایللر گونه دیمزمیش،
گول وئردیم، وئردیییم گوله دیمزمیش،
گؤزوم ده چاغلایان سئله دیمزمیش،
حئیف او سئوگی‌یه، او محبّته.
بیر دفعه اوره ک دن گوله بیلمه‌دیم،
کؤنلومو کیمسه‌یه وئره بیلمه‌دیم،
سندن باشقاسینی سئوه بیلمه‌دیم.
حئیف او سئوگی‌یه، او محبّته.
سنسیز گئجه‌لریم یوخو بیلمه‌دی،
ایچیمده آلیشان آهی بیلمه‌دی.
من بیلدیم، سن بیلدین، چوخو بیلمه‌دی،
حئیف او سئوگی‌یه، او محبّته.
اؤزومون اؤزومدن آجیغیم گلیر،
دوستلاریم کدرلی، دوشمنیم گولور.
اؤلن سئوگیمیزه یازیغیم گلیر،
حئیف او سئوگی‌یه، او محبّته.
سولطانلیق تاختیمیز دئوریلدی نئجه،
کولکسیز، طوفانسیز سوورولدو هئچه،
او سئوگی نیفرته چئوریلدی نئجه،
حئیف او سئوگی‌یه، او محبّته.
۲. "بیری واردی، بیری یوخ…"
اوْلان اوْلوب، کئچن کئچیب بلکه ده
ایندی داها کؤورلمه‌این یئری یوخ
عؤمور بویو بئله گلیب منیم کی
اولیندن بیری واردی بیری یوخ
اوزاقدایدی من ایسته‌ین اوجاقلار
اوره‌ایمدن گلیب کئچدی سازاقلار
آتالییدی، آنالییدی اوشاقلار
بیزیم ائوده بیری واردی، بیری یوخ
گؤزلریمده دولدورموشام یاغیشی
بیر کؤینکده چیخارمیشام من قیشی
شالوار-پئنجه‌ک گئیینیردی تای-توشوم
منده ایسه بیری واردی، بیری یوخ
اوزوم گولدو، طلبه‌یم دئیه‌نده
سیخیلیردیم دوست پئنجه‌ای گئینده
معلیمله دیل تاپابیلمه‌ینده
قیمتیمین بیری واردی، بیری یوخ
قلبیم یاندی ایلک سئوگیمدن، عشقیمدن
دارا دوشدوم، ال اوممادیم هئچ کیمدن
مجلیسلرده جان دئییب جان ائشیدن
دوستلاریمدان بیر واردی، بیری یوخ…
من اوردویا نه‌لر گؤروب گئتمیشدیم
اوره‌ک آلیب، اوره‌ک وئریب گئتمیشدیم
ایکی قیزا کؤنول وئریب گئتمیشدیم
قاییداندا بیری واردی، بیری یوخ
اوزاق گَزدی عمی، دایی، بی‌بی‌لر
سؤز آراسی منه ائولن دئدیلر
نیشان اۆچون ایکی شئی ایسته‌دیلر
منده ایسه بیری واردی بیری یوخ
واخت گله‌جک بۇ گونو گؤره‌جکسن
چوخ سئوالا گؤزونو دؤیه‌جکسن
واخت گله‌جک سن اؤزون دئیه‌جکسن
دئیه‌جکسن: "بیری واردی، بیری یوخ!"
3. "اوغرو اولماق ایسته ییرم" شئعریندن بیر پارچا
بیریسینی ییخماق اۆچون
ایکیسی نین اولفتینی
اینسانلارین اورییندن
هر کینی نی نیفرتینی
یالانینی بوندان اونا
اوندان بونا ساتانلاری
ایکی سئون آراسیندان
او اۆچونجو آداملاری
اوغورلاماق ایسته ییرم...