هاخيشتا(اویون)
هاخيشتا - آذربايجاندا اساساً تويلاردا و ديگر ائل شنليکلرينده گنجلر و اوشاقلار آراسيندا گئنيش ياييلميش اويون نؤوعودور.
عومومی معلومات
دَییشدیرها خيشلا ايفاده‌سيندن گؤتورولن ميلّي رقص چوخ جوشقون، شن، اساساً يونگول هوپپانمالار کاراکترينده ايفا اولونور. بعضي رقصلرده، خوصوصاً "هالاي" رقصينده اولدوغو کيمي اوزبوز دسته‌لر دايانيرلار. آراداکي مسافه 5-6 متر اولور. دسته‌نين اورتاسيندا سوليست قيز دايانير. اونو رقصه دعوت ائدير و بو حرکتلري ائدرکن متني اوخويور. قالان قيزلار ايسه همين سطيردن سونرا اوجا سسله "هاخيشتا" دئييرلر. رقصين موسيقيسي اولماديغينا گؤره ايفاچي متني "مئيخانادا" اولدوغو کيمي سؤيله‌يير. رقصي ضرب آلتلري (ناغارا، قوشاناغارا، دومبک) ايله موشاييعت ائتمک اولار.[۱]
نووروز بايراميندا دا هاخيشتا اويونو اويناماق عادتدير. نوروز بايراميندا اوغلان و قيزلار تزه پالتار گئييب چاليب اوينايير، ياللي گئديرلر، "هاخيشتا" ،"بنؤوشه" ،"کوس-کوسا" اويناييرلار.