هالای(اویون)
هالای - آذربایجاندا اوشاق و گنجلر آراسیندا توی، ائله‌جه ده ائل شنلیکلرینده دسته‌لره بؤلونه‌رک اوینانیلان بوتون اویونلارین باشلانغیج فورماسی.
اویونون قورولوشو
دَییشدیر
دسته‌لره بؤلونه‌رک اوینانیلان بوتون اویونلار هالای ایله باشلانیر. اوّلجه دسته‌باشیلار سئچیلیر. دسته‌باشی ایکی جور تعیین اولونور: یا اونلاری اویونچولار اؤزلری سئچیرلر، یا دا عومومی راضیلیق ایله (اویوندا و اوشاقلار آراسیندا موعین کئیفیتلری ایله فرقلننلری)، چوخ حاللاردا ایسه (گر اویونچولار بیر-بیرینی تانیمیرلارسا) پوشک یولو ایله سئچیرلر.
دسته‌باشیلار تعیین اولوندوقدان سونرا دسته‌لره بؤلونمک اۆچون هالایا گئدیرلر. اویونچولار قول-قولا گیریب، سونرا بیر یانا چکیلیرلر. اونلار خلوتی اؤز آرالاریندا کیمی نئجه آدلاندیرماق (مثلاً، کیمین "آرمود" ،کیمین "آلما") باره‌ده شرطلشیب دسته‌باشیلارین دوردوغو یئره گلیر و دئییرلر:
- هالای گلمیشیک.
دسته‌باشی‌نین بیری دیگرینه :
- گل! (یعنی قبول ائت) - دئییر.
او بیری جاوابینی وئریر.
- گلدیم!
هالای گلنلر:
- کیمه "آرمود" ،کیمه "آلما" ؟
- منه آرمود!
"آرمود" آدلاندیریلان اویونچو کئچیر اونون دسته‌سینه، "آلما" آدلاندیریلان اویونچو ایسه دیگر دسته‌باشی‌نین آرخاسیندا دایانیر. بئله‌لیکله اویونچولار دسته‌لره آیریلیر.
قایناق
دَییشدیر• نوروز بایرامی انسکلوپدیاسی. باکی-2008 (شرق-غرب). ص.91.