هیندوئیزم
مسیزپرین دَییشیب:
هیندوئیزم — هیند یاریم‌آداسیندا یاشایان یئرلی اهالی‌نین منسوب اوْلدوغو دیندیر. غربلی‌لر بۇ خالقین دینینی ایفاده ائتمک اۆچون اوْنلارین داها چوْخ هیند چایی‌نین یاخینلیق‌لاریندا یاشامالارینا باخاراق اوْنلاری بئله آدلاندیرمیشلار. اصلینده اوْنلار اؤز دینلرینی «ساناتانا دارما (ازلی-ابدی دین)» دئیه آدلاندیریرلار. گۆنوموزده ۹۰۰ میلیونا یاخین هیندو واردیر. هیندوئیزم مسیحی‌لیک و ایسلامدان سوْنرا دۆنیانین ان یایغین دینی ساییلیر. هیندولارین ان قدیمی مۆقدّس کیتابلاری «وِدا»لاردیر. بۇ دینی دؤرد دؤنمه آییرماق اوْلار: وِدالار دؤنمی٬ اۇپانیشادلار دؤنمی٬ کلاسیک دؤنم٬ اوْرتا چاغداکی ایلاهیّات و فلسفهنین ترقّی‌سی دؤنمی و مۆعاصیر دؤنم. هیندوئیزمین قۇروجوسو «شری کریشنا» گؤستریلیر.