واحید علی‌اکبروف
واحید عَلَکبَروو (لاتین الیفبادا. Vahid Yusuf oğlu Ələkbərov، روسجا. Вагит Юсуфович Алекперов، اینگیلیسجه. Vagit Yusifovich Alekperov ، دوغوم گونو. 1950 سپتامبری نین بیرینجی گونو باکی دا) بیر آذربایجان جومهوریتیلی - روسیه لی ایش آدامی دیر. روسیه نین ان بؤیوک نفت کومپانیلارینین بیریسی، لوک‌اویل شیرکتی نین باشچیسیدیر. فوربس درگی سی نین وئردیگی ایطلاعاتا گؤره 12.3 میلیارد دولار وار ایله دونیانین 114جو پوللو آدامی دیر.
Vagit Alekperov | |
|---|---|
 | |
| دوغوم | Vagit Yusufovich Alekperov ۱ سپتامبر ۱۹۵۰ (۷۳ یاش) |
| میلیت | Azerbaijani |
| تحصیل یئری | Azerbaijan State Oil Academy |
| پئشه | Chairman of the supervisory board of Basic Element Company |
| جایزه‌لر |
|
-lent.svg){kind=small}
یاشاییشی دَییشدیر
واحید عَلَکبَروو 1 سپتامبر 1950-جی ایلده باکی نین او واختکی رازین قصبه‌سینده آنا‌دان اولموش‌دور. آتاسی یوسیف عَلَکبَروو موسلمان آذربایجانلی، آناسی ایسه روس کازاک (کوزاک؟) طایفه‌لارین‌دان اولان تاتیانا فیودروونا اورتودوکس ایدی.
اَمَک چالیشماسینا مَشَدی عزیز بَیوو (Məşədi Əzizbəyov) آدینا آذربایجان نفت و شیمی انستیتوتوندا (ایندیکی نفت آکادمیاسی) تحصیل آلدیغی واخت "کاسپروم نفت" موسیسه‌سی‌نین 2 نؤمره‌لی موهندیس-تکنولوژی خیدمتینده نفت و قاز محصوللاری اۆچون اوپراتور کیمی باشلایان عَلَکبَروو ، شوروی نفت و قاز صنایع وزیری‌نین یاردیمچی‌سی، داها سونرا وزیرین بیرینیجی یاردیمچی‌سی اولوب. 1991-جی ایلین سونوندا پرم، وولقوقراد و ماژیسکی فابریکالاری ایله لانقنپاسنفتقاز (Lanqenpasneftqaz) ، اوراینفتقاز( Urayneftqaz) و کوقالیمنفتقاز (Koqalımneftqaz) (سونرا‌دان بو اوچ شیرکتین باش حرف‌لری "لوک اویل، LUKoyl" شیرکتی‌نین آدینا چئوریلدی) آراسیندا موقاویله‌نین ایمضالانماسینا ناییل اولا‌راق، روسیه ده ایلک نفت کونسرسیومو یارادیب. 1993-جی ایلدن ایندیه دک لوک اویل شیرکتینه باشقانلیق ائدیر. "شرف علامتی" و دوستلوق علامتلری، "باتی سیبری نین درینلیک‌لری‌نین اؤیرنیلمه‌سی و نفت-قاز توپلوسو نون گلیشدیرمه سینه گؤره" میدا‌لی ایله تلتیف اولونوب، ایقتیصاد بیلیملری دوکتورودور. او، دونیادا رسمن میلیاردر کیمی تانینان تکجه آذربایجانلی دیر. 2006-جی ایلده آمریکا-نین "فوربس" ژورنالینین ترتیب ائتدیگی دونیانین ان وارلی آدام‌لارینین - 793 میلیاردرین لیستینده 37-جی یئری توتوب. عَلَکبَروون واری 12.3 میلیارد دولار حجمینده دَیَرلندیریلیر.