پوْرتال:قاراباغ/تاریخ
قاراباغ خانلیغی ۱۷۴۷-جی ایلده نادیرشاه افشارین اؤلومون‌دن سونرا جاوانشیر سولاله‌سین‌دن اولان پناهعلی خان قاراباغ خانلیغینین اساسینی قویموش‌دور. قاراباغ خانلیغی کیچیک قافقاز داغلارینین جنوب-شرقین‌ده یئرلشیردی. خانلیغین سرحدلری آراز چایین‌دان گؤیچه گؤلوندک، ترتر چایین‌دان بوتون دوزه‌ن‌لیک و داغ‌لیق قاراباغی، زنگزورو، برگوشادی احاطه ائتمکله مئهری، تاتئو و سیسیانا قدر اۇزانیردی. خان‌لیق شکی، گنجه، ایروان، ناخچیوان، قاراداغ، جاواد و شاماخی خان‌لیقلاری ایله هم مرز ایدی.