چؤمچه باشي بزمه (اویون)
چؤمچه‌باشي بزمه - آذربايجاندا ان چوخ يازقاباغي (بایرام قاباغی) گونلرده، ائلجه ده ديگر واختلاردا، اساساً اوشاق وگنجلر آراسيندا، گئنيش شکيلده اوينانيلان قديم اويونلاريندان بيريدير.
عومومي معلومات دَییشدیر
چؤمچه‌باشي بزمه ایل‌آخیر چرشنبه‌لرده و نوروز بايراملاري گونلرينده اوشاقلارين، يئني‌يئتمه‌لرين اويناديقلاري اويونلاردان بيريدير.
اويونون قايدالاري دَییشدیر
اويون ايشتيراکچيلاري ساناما اوصولو ايله ايکي دسته‌يه آيريليرلار. هر دسته‌‌نين پوشک آتما يولو ايله سئچيلميش باشچيسي اولور. عادي بير چؤمچه‌‌نين باشيني رنگلي پارچالارلا بزه‌يير و باشيندان زينقيروو آسيرلار. پوشک آتما آتيلير. پوشک هانسي دسته‌يه دوشرسه، اويونو همين دسته باشلايير. نؤوبه ايله اويونچولارين گؤزلري دسماللا باغلانيلير. ديگر دسته‌‌نين اويونچوسو چؤمچه‌ني الينه آليب چکيلميش دايره‌‌نين ايچريسينده او طرف، بو طرفه قاچير. گؤزو باغلي زينقيروو سسلنديره‌ني توتماغا چاليشير. زينقيروو اون دفعه سسلنديريلير. اگر بو اون دفعه‌ده گؤزو باغلي چؤمچه‌گزديره‌ني توتا بيلمه‌سه،گؤزلريني آچير و اونا اون لوپوخ وورولور. اگر توتا بيلسه، گؤزوباغلي چؤمچه گزديرنه اون دفعه لوپوخ وورولور. هم ده دسته‌لر يئريني دييشمه‌لي اولور. بئلجه اويون داوام ائدير.
قایناق دَییشدیر
نوروز بايرامي ائنسکلوپئدياسي. باکي-2008 (شرق-غرب). ص.58.