چاتي گؤتوردو (اویون)
چاتي گؤتوردو — آذربايجانین قدیم اويونلارينداندير. "قاييش گؤتوردو" یا "قاییش قاپدی" دا دئييلير. کندلرده، اوبالاردا خوصوصاً تويلاردا جاوانلار کندین خیرمان یئرینده و یا مئیدانیندا اویناییرلار و کند کيشيلري بو نوماييشه ييغيشيرلار.
اويونون قايداسي
دَییشدیربؤيوک دايره چکيلير. سونرا هالای گئديب، بئش-بئش ايکي يئره بؤلونورلر. يالاق دوزه‌ليب چاتيلاري اورا قويورلار. اوينايانلاردان بئش نفري همين چاتيلارين، دايرهنين اوستونه دايانيرلار. بئش نفري ايسه دايرهنين جيزيغیندان کناردا. اويون شرطي بئله‌دير کي کناردا دايانان بئش نفر، چاليشيرلار کي دايرهنين ايچينده‌کي چاتيلاري، ايچريده‌کيلرين آياغي‌نين آلتيندان چکسينلر. آلينان چاتيلارلا ايچريده‌کيلري دويورلر. او زاماناجانکی ايچريده‌کيلر چولده‌کيلرين بيري‌نين آياغيني آياغي ایله وورسون. ووراندا لازيمدير کي بير آياغي دايرهنين ايچينده اولسون. بئله‌ليکله ايچريده‌کيلر دايرهنين کنارينا چيخيب، کنارداکيلار ايچري گيريب چاتي‌نين اوستونده دورورلار. و اويون تزه‌دن باشلانير.