چره‌ک(اؤلچو بیریمی)
چره‌ک — ریاضیاتدا اسکی چاغلاردا اساسا اوزونلوق و چکی اؤلچمک اۆچون ایستیفاده ائدیلن اؤلچو بیریمی.
عومومی معلومات
دَییشدیرچرهکدن هم اوزونلوق، هم ده چکی بیریمی کیمی ایستیفاده ائدیلمیشدیر. اوزونلوق اؤلچوسو بیریمی کیمی چرهکدن چوخ گئنیش ایستیفاده اولوندوغو منبعلردن ده آیدین گورونور. چره‌ک آرشینین دؤردده بیرینه برابردیر. اگر آرشین 0،71 م-دیرسه، اوندا چره‌ک تخمیناً 18 س‌م-ه برابر اولور.
چکی بیریمی کیمی 1 چره‌ک "گیرونکه"نین دؤردده بیرینه برابردیر. "گیرونکه"نین 400 قرام اولدوغونو بیلیریکسه، اوندا چره‌ک 100 قرام اولموشدور. چره‌ک قاب معناسیندا دا ایشلنمیشدیر. همین قابین آدی اونون اولچوسو، توتومو ایله باغلیدیر. بیر چره‌ک تاخیل، اون و س. توتان میس قابا چره‌ک دئییلمیشدیر.
چرهکدن بیر اؤلچو بیریمی کیمی موسیقیده ده ایستیفاده اولونور. سسلرین اوزونلوقلارینا گؤره نوتلاردان بیری چره‌ک نوت آدلانیر. بوتؤو نوت ان اوزون سسی، یاریم نوت بوتؤو نوتون یاریسینی، چره‌ک نوت ایسه دوردده بیرینی تصویر ائدیر. باشقا سؤزله دئسک، بوتؤو نوت اوزونلوغونا گؤره ایکی یاریم و دؤرد چره‌ک نوتا برابردیر. یوخاریداکی میثاللاردان گؤروندوگو کیمی، چره‌ک بوتون حاللاردا بوتؤوون دؤردده بیرینه برابر گؤتورولور.
قایناق
دَییشدیرآذربایجان ائتنوقرافیاسی، باکی-2007، "شرق-غرب" نشریاتی. اوچ جیلدده. 3. جیلد. ص. 459