چسلاو میلوش Czesław Miłosz؛ ۳۰ ایون ۱۹۱۱، شتنی، لیتوانی۱۴ آوقوست ۲۰۰۴، کراکوف، لهیستان) — لهیستان شاعر، ترجومه‌چی، ادبیات اوزره نوبل اؤدولو (۱۹۸۰)

چسلاو میلوش
آدچسلاو میلوش
قیسا بیلگینوبل اؤدواونو قازانمیش یازیچی، 1980
دوْغوم تاریخ1911
شتنی, لیتوانی
اؤلوم تاریخ2004
کراکوف, لهیستان

حیاتی دَییشدیر

چسلاو میلوش لیتوانین کئی‌دان قزاسینین شتنی کندین‌ده دونیایا گلیب. ویلنوسدکی سیقیزموند آوقوست آدینا گیمنازیانی بیتیریب (۱۹۲۱۱۹۲۹). بونون آردینجا ایستئفان باتوری بیلیم یوردودا اولجه هومانیتار، سوْنرا ایسه حقوق و سوسیال علملر شعبه‌لرین‌ده تحصیلینی داوام ائتدیریب. ایلک شعرلری ۱۹۳۰-جو ایلده "آلما ماتر ویلننسیس" آدلی طلبه ژورنالین‌دا ایشیق اوزو گؤروب. "ژاقارلار") پوتیک قروپونون اساسینی قویانلاردان اوْلوب. ۱۹۳۴-جو ایلده ویلن‌ده‌کی لهیستان یازی‌چیلار اتفاقی پوتیک دئبوتونه گؤره اونو فیلوماتلار اؤدولونا لاییق گؤروب. پاریس‌ده اؤز اوزاق قوهومو، فرانسه دیلی شاعر اوسکار میلوشلالا بیر نئچه دفعه گؤروشوب. ۱۹۳۵-جی ایلده ویلن‌ده‌کی رادیودا ایشه دوزلیب، اما جمعی بیر ایل سوْنرا سول مئییل‌لی باخیشلارینا گؤره ایشده‌ن قووولوب. ۱۹۳۷-جی ایلده ایتالیایا سفردن قاییتدیق‌دان سوْنرا ورشویا کؤچوب و بورادا رادیودا ایشله‌مه‌یه باشلاییب. ۱۹۳۹-جو ایلین سئنتیابرین‌دا رادیو ایشچی‌سی کیمی جبهه‌یه یوللانیب. قیرمیزی اوردو لهیستان اراضی‌سینه داخیل اولان‌دان سوْنرا رومینیادان لیتوانییا کئچیب و ویلنوسده یاشاییب. لیتوانی سری-یه بیرلش‌دیریله‌ن‌ده ورشویا قاییدیب و گیزلی ادبی فعالیت گؤستره‌نلرین جرگه‌سینه قوشولوب. ۱۹۴۴-جو ایلده ورشوداکی عصیان یاتیریلان‌دان سوْنرا کراکووا کؤچوب و ایکینجی دونیا ساواشینین سونونا قدر بورادا یاشاییب. بیر مدت سوْنرا آیلیق "یارادیجی‌لیق" ژورنالینین رداکتورلارین‌دان بیری اوْلوب. ۱۹۴۵۱۹۵۱-جی ایللرده لهیستان خالق جومهوریتی‌نین خاریجی ایشلر نازیرلیین‌ده چالیشیب، نیویورکدا و پاریسده مدنیت ایشلری اوزره آتتاشئ اوْلوب. ۱۹۵۱-جی ایلده پاریسه رسمی ائزامیته یوللانیب و فرانسه حکومتین‌دن سیاسی سیغیناجاق ایسته‌ییب. ۱۹۶۰-جی ایله قدر پاریس‌ده یاشاییب، یئژی هدرویسون "مدنیت" ژورنالی ایله امکداش‌لیق ائدیب. ۱۹۶۰-جی ایلده ایکی آمریکا بیلیم یوردون دعوتی ایله آمریکا بیرلشمیش ایالتلری- یوللانیب و برک‌لی‌ده‌کی کالیفورنیا بیلیم یوردون سلاویان دیللری و ادبیاتی شعبه‌سینین پروفسورو اوْلوب. ۱۹۸۰-جی ایلده ادبیات اوزره نوبل اؤدولونا لاییق گؤرولوب. لیتوانی یازی‌چیلار اتفاقینین فخری عضوو، کداینیای شهرینین فخری وطنداشی اوْلوب.

اثرلری دَییشدیر

لهیستان دیلین‌ده دَییشدیر

  • دونموش زامان حاقین‌دا شعر ۱۹۳۲
  • اوچ قیش (ترزی زیمی، شعرلر توپ‌لوسو، ۱۹۳۶)
  • قورتولوش ، ۱۹۴۵
  • حاکمیتین ضبط اوْلونماسی ۱۹۵۳
  • ایجباری عقل ۱۹۵۳
  • گون ایشیغی ۱۹۵۳
  • عیسی وادی‌سی ۱۹۵۵
  • پوتیک تراکتات ۱۹۵۷
  • دوغما آوروپا ۱۹۵۸
  • قیته‌لر ۱۹۵۸
  • عقربلر آراسین‌دا آدام ۱۹۶۱
  • پادشاه پپل و دیگر شعرلر ۱۹۶۱)
  • تیلسیملنمیش قوتسیو ۱۹۶۵
  • سان-فرانسیسکو کؤرفزینین ساحل لرین‌ده‌کی خیاللار ۱۹۶۹
  • آدسیز شهر ۱۹۶۹
  • شخصی وظیفه لر ۱۹۷۲
  • گونش هاردا دوغور و هاردا باتیر ۱۹۷۴
  • اولرو تورپاغی ۱۹۷۷
  • علم لر باغی ۱۹۷۹
  • میرواری حاقین‌دا هیمن ۱۹۸۲
  • اوجسوز-بوجاق‌سیز دونیا ۱۹۸۴
  • ایجماللار ۱۹۸۷
  • اوزاق یاخینلار ۱۹۹۱
  • منیم کوچه لریم‌دن باشلایاراق ۱۹۸۵
  • متافیزیک پاوزا ۱۹۸۹
  • یورد آختاریشلاری ۱۹۹۱
  • اووچو ایلی ۱۹۹۱
  • چایین ساحلین‌ده ۱۹۹۴
  • یورد آختاریشین‌دا ۱۹۹۲
  • لهیستان ادبیاتینین تاریخی ۱۹۹۳
  • موعاصیرلیین افاسانه‌سی ۱۹۹۶
  • آدالارداکی حیات ۱۹۹۷
  • یول قیراغین‌داکی کؤپک ۱۹۹۷
  • میلوشون الیفباسی ۱۹۹۷
  • دیگر الیفبا ۱۹۹۸
  • ساواش دن درحال سوْنرا ۱۹۹۸
  • بۇ ۲۰۰۰
  • اورفی و اوریدیکا ۲۰۰۳
  • زامانا سیاحت حاقین‌دا (۲۰۰۴

اینگیلیس دیلین‌ده دَییشدیر

  • شعرلر توپ‌لوسو ۱۹۳۱—۱۹۸۷
  • منیم کوچه لریم‌دن باشلایاراق ۱۹۹۲
  • اوزو چایا ۱۹۹۵

خاریجی کئچیدلر دَییشدیر

گؤرونتولر دَییشدیر