چيرتي، چيرتي (اویون)
چيرتي، چيرتي- آذربایجانین قديم اوشاق اويونلارینداندیر.
اويونون قورولوشو
دَییشدیراوشاقلاردان بيري باشچي سئچيلير. باشچي اورتادا دايانير، قالان اوشاقلار ايسه دایره‌وی دوزولورلر. باشچي الينده چوبوق اويونا باشلايير. اوّل-اوّل ساغ طرفده اولان اوشاقلارا دئييرلر:
- چيرتي، چيرتي!
ساغداکي اوشاقلار جاواب وئريرلر:
- جان چيرتي!
سولداکي اوشاقلار دئييرلر:
- بيزيم چيرتي سيزين چيرتي‌يا يالان دئدي.
ساغداکي اوشاقلار دئييرلر:
- کيمين ساققالينا ياراشير؟
سولداکي اوشاقلار دئييرلر:
-هر کس آياغيني چپ قويسا، اونون ساققالينا ياراشير.
بوتون جرگه‌ده اولان اوشاقلار سولدان ساغا بير-بير آياقلاريني ايره‌لي چيخاريرلار. باشچييا چاتانا قدر ايره‌ليله‌ييرلر. باشچي يئنه اوّلکي سؤزلري تکرار ائدير؛ سول آياغيني ساغ آياغي‌نين بارماقلاري اوزرينه قويوب، ايکي دفعه فيرلانير. اوشاقلار اوّلکي قايدادا گئري چکيليرلر. باشچي ساغ اليني آياغي‌نين چئچله بارماغي‌نين اوستونه قويور. هامي باشچي کيمي ائدير، باش بارماقلاري‌نين اوجو ايله باشچي‌نين يا‌نينا گليرلر. باشچي اليني باش بارماغيني بورنونون اوجونا قويوب دئيير:
- چيرتي، چيرتي!
اوشاقلار اونا جاواب وئريرلر:
- جان چيرتي!
اوشاقلار يئنه گئري چکيليرلر. بو دفعه باشچي سول الي‌نين باش بارماغيني قولاغينا وئرير. اوشاقلار دا اونون کيمي ائديب باشچييا ياخينلاشيرلار. باشچي دئيير:
- چيرتي، چيرتي!
ساغ طرفده‌کي اوشاقلار جاواب وئريرلر:
- جان چيرتي!
باشچي دئيير:
- بيزيم چيرتي سيزين چيرتي‌يا يالان دئدي.
ساغداکي اوشاقلار دئييرلر:
- کيمين ساققالينا ياراشير؟
باشچي دئيير:
- هر کس تئز قاچماسا، اونون ساققالينا ياراشير.
هامي نيشان قويولموش يئره قاچير. کيم گئريده قالسا اونا دئييرلر:
-تيسباغا تيس، بوينونو قيس!
اويون آخيرا چاتينا قدر هئچ کسين ايختياري يوخدور اؤزو ايسته‌ديگي کيمي حرکت ائتسين. قايداني پوزانلار تؤهمتلنديريليب اويوندان چيخاريلير. هامي باشچي‌نين امري ايله حرکت ائدير، نيظام-اينتيظاما تابئع اولور.